Rossiya prezidenti Vladimir Putin 21-aprel kuni Federal Majlisga 78 daqiqa (1 soat 18 daqiqa) davomida yillik murojaatini o‘qib eshittirdi.
Davlat rahbarining parlamentga yillik murojaati — bu prezidentning mamlakatni yaqin kelajakdagi rivojlanishi strategik yo‘nalishlari haqidagi qarashlarini ifodalovchi dasturiy hujjat. 2021-yilgi murojaatning muhim qismi mamlakatni rivojlantirish, demografiya va fuqarolarni ijtimoiy qo‘llab-quvvatlash choralariga bag‘ishlandi.
Murojaatning asosiy masalalari quyidagilardan iborat bo‘ldi:
Fuqarolarga oid
- Hokimiyat oziq-ovqat mahsulotlariga majburiy narxlar o‘rnatmaydi.
- Hukumat xonadonlarga bepul gaz ulash imkonini beradigan gazlashtirish rejasini ishlab chiqishi kerak.
- Uch yil ichida asosiy davlat va kommunal xizmatlar 24/7 rejimida onlayn tarzda taqdim etilishi kerak.
- To‘liq bo‘lmagan oilalarda yashovchi 8 yoshdan 16 yoshgacha bo‘lgan bolalarga oyiga 5650 rubl (73,789 dollar)miqdorida pul beriladi.
- Ehtiyojmand homilador ayollarga oyiga 6350 rubl (82,931) to‘lanadi.
- Maktab yoshidagi bolalari bor oilalarga har bir bola uchun avgust oyi o‘rtalarida 10 ming rubldan (130,60 dollar) to‘lanadi.
- 2021-yildanoq yetti yoshgacha bo‘lgan bolani parvarishlash uchun kasallik bo‘yicha ta’tilda bo‘lgan onalarga mehnat stajidan qat’i nazar, ish haqini 100 foiz miqdorda to‘lash boshlanadi.
- Turizm xizmatlarida to‘lovning 20 foizini qaytarib berish dasturi yil oxirigacha uzaytiriladi. Bu yil bolalar yozgi oromgohga borganlarida yo‘llanma narxining yarmi qaytariladi.
- Hududlarning butun hajmi o‘z daromadlaridan 25 foizga oshib ketgan tijoriy qarzlari muddati 2029-yilgacha bo‘lgan budjet kreditlari bilan almashtiriladi.
- Hududlarga infratuzilma uchun muddati 15 yillik va stavkasi yiliga 3 foizdan oshmaydigan budjet kreditlari beriladi.
- Moskva—Qozon tezyurar avtomagistrali Yekaterinburggacha uzaytiriladi va uch yil ichida qurib bitkaziladi.
- Pandemiya oqibatlariga qarshi kurashish uchun mintaqalarga ajratilgan budjet kreditlari qayta tuziladi.
- 2030-yilga kelib mamlakatda o‘rtacha umr ko‘rish davomiyligi 78 yoshga yetishi kerak (2019 yilda — 73,3 edi).
- 1-iyuldan boshlab barcha yoshdagi fuqarolarni tibbiy va kasbiy ko‘rikdan o‘tkazish dasturlari kengaytiriladi.
- Keyingi uch yilda qishloqlarga qo‘shimcha ravishda 5 mingta tez yordam mashinasi beriladi.
- Madaniy tashabbuslar uchun Prezident jamg‘armasi yaratiladi, 2021-yil unga 3,5 milliard rubl ajratiladi.
- Keyingi ikki yilda pedagogika universitetlarini jihozlash uchun 10 milliard rubl (13046518.67 dollar) ajratiladi.
- Universitetlarda yana 45 ming budjet o‘rinlari ochiladi.
- 1 million bola uchun 1300 ta yangi maktab quriladi.
- Uy-joy kommunal xizmat ko‘rsatish tizimi, infratuzilma va agrosanoat majmuasi iqlim o‘zgarishiga moslashtirilishi kerak. Uglerod chiqindilari ustidan qat’iy nazorat tizimi yaratiladi.
- Mahsulotlarni yetkazib berish uchun ishlab chiqaruvchilar va import qiluvchilarning javobgarligi kengaytiriladi. Atrof-muhitga yetkazilgan zarar uchun korxona egalarining moliyaviy javobgarligi to‘g‘risidagi qonunni qabul qilish tezlashtiriladi.
- Chet elliklarga Rossiya Federatsiyasiga viza olish uchun masofadan turib, ortiqcha rasmiyatchiliksiz va to‘rt kun ichida murojaat qilishlariga ruxsat beriladi.
- “Sherxonning atrofida mayda Tabakilar aylanib yuribdi, o‘z oliy hukmronining og‘zini moylash uchun uvullayapti. Kipling — buyuk yozuvchi” (Sherxon va Tabaki Redyard Kiplingning Maugli haqidagi asari qahramonlari).
- “Agar kimdir bizning yaxshi niyatlarimizni befarqlik yoki zaiflik deb bilsa va ko‘priklarni o‘zi yoqmoqchi bo‘lsa yoki hatto portlatmoqchi bo‘lsa, u Rossiyaning javobi assimetrik, tezkor va qat’iy bo‘lishini bilib qo‘yishi kerak”.
- “Bizda har qanday qarorni qabul qilishda yetarlicha sabr-toqat, mas’uliyat va sog‘lom fikr mavjud. Umid qilamanki, Rossiya bilan munosabatlarda hech kim ‘qizil chiziq’dan o‘tishni o‘ylamaydi, qayerda bu holat yuz berishini o‘zimiz aniqlaymiz”.
- “Xavfsizligimizning asosiy manfaatlariga tahdid soluvchi har qanday provokatsiya tashkilotchilari qilgan ishlaridan qattiq pushaymon bo‘ladi”.
- “Rossiya o‘z manfaatlarini himoya qiladi. G‘arb Aleksandr Lukashenkoni o‘ldirishga urinishni sezmagani va qoralamagani xarakterlidir. Uning siyosatiga xohlaganday munosabatda bo‘lish mumkin, ammo davlat to‘ntarishi va siyosiy suiqasdlarni tashkillashtirish — bu me’yordan chiqish”.
Prezidentning rekord darajada uzoq davom etgan murojaati 2018-yilda bo‘lib, u 1 soat 55 daqiqaga cho‘zilgan. Taxminan 48 daqiqalik eng qisqa murojaatlari 2004 va 2005-yillarda bo‘lgan.
Izoh (0)