Россиялик режиссёр Марюс Вайсберг Элдар Рязановнинг «Тақдир ҳазили» фильмининг инглиз тилидаги версиясини суратга олади, деб хабар беради «РИА Новости».
«About Fate» номли картинада Эмма Роберц ва Томас Манн каби Голливуд юлдузлари суратга тушади. Суратга олиш ишлари ёз фаслида Бостонда бошланиши режалаштирилган.
«Совет даврига оид маданий меросимиз жаҳон мулкига айланишидан жуда хурсандман. Ушбу лойиҳа устида узоқ йиллар ишладим ва охир-оқибат шеригим Владимир Кошелев шарофати билан ажойиб сценарийни яратишга муваффақ бўлдик», — дейди Вайсберг.
Марюс Вайсберг — «Енгил табиатли буви», «Гитлер капут!», «Катта шаҳардаги севги» каби комедиялар режиссёри, сценарийнависи ва продюссери ҳисобланади.
Маълумот учун, режиссёр Элдар Рязановнинг «Тақдир ҳазили ёки қушдек енгил бўлинг» фильми 1976 йил 1 январда экран юзини кўрган.
Изоҳ (0)