Ҳар бир актрисанинг ўзига хос хусусиятлари мавжуд: кимдир мулойим, бироз тушуниш қийин, яна кимдир энергияга тўлган ва шўх. Кажол эса энг яхши фазилатларни ўзида мужассам этиши билан бошқалардан ажралиб туради. Масалан, унда хушчақчақлик, нафислик, мардлик хислатларни кўриш мумкин. Шунингдек, унинг карейрасидаги қаҳрамонларининг аксарияти тақдирида кўп қийинчиликларга учрайди. Аммо улар тўсиқларга қарамай, барчасини енгиб ўтади.
«Ўғирланмаган келин»
Доимий равишда мириқиб томоша қилинадиган ҳинд классикаси! Отасининг дўстининг ўғлига турмушга чиқиши арафасида кўнглини умуман бошқа инсонга берган Симран ва Раж ҳикояси.
Фильмда ёшлар мажбурият ва тўсиқларни енгиб ўтиб, бахтли яшаш учун курашиш керак. Картина сўнгига қадар инсон туйғуларини жунбушга келтирувчи ушбу муҳаббат тарихи икки ёшнинг курашда ғолиб чиқиши билан якун топади.
«Ҳаётда ҳамма нарса бўлади»
Севги учбурчаги. Ушбу фильмда дўстлик ва муҳаббат каби инсоний ришталар бир-бирга чамбарчас боғлиқ экани акс этган. Раҳул ва Анжели коллежда қадрдон дўст бўлсалар-да, уларнинг ҳаётида Тина исмли қизнинг пайдо бўлиши барчасини ўзгартириб юборади.
Анжели шўх, болаларча ўйинқароқ, аммо Тина билан танишгандан сўнг Раҳулни севишини тушуниб етади. Лекин Тина ва Раҳул ўртасида тўсиқ бўлмаслик учун коллежни тарк этади.
Орадан йиллар ўтиб, Тина Анжели исмли қизига васият тарзида бир вақтлар ўз севгисини қурбон қилган дугонаси ҳамда Раҳулни яраштиришни сўрайди. Картина бир-биридан қизиқарли воқеаларга бой бўлиб, ҳанузгача мухлислар томонидан севиб томоша қилинади.
«Жоним фидо»
Кажол иштирокидаги энг яхши фильмлардан бири. Актриса аввалги ролларидан бироз фарқли ўлароқ кўзи ожиз қизни ижро этган.
Ушбу фильмда муҳаббат, оила ва ватан олдидаги бурч намойиш этилган. Одатда Кажолни Шоҳрух Хон билан ажойиб партнёр сифатида қабул қилишган. Аммо актрисанинг маҳоратли актёр Амир Хон билан ҳамкорликдаги фильми ҳам муваффақиятга эришган.
«Менинг исмим Хон»
Юқоридаги фильмлар «энг яхши»си дейилган бўлса, мазкир картина «энг зўр»и. Айнан шу лойиҳада актрисанинг яширин қирралари бутунлигича очиб берилган.
Фильмда ҳам биргина муҳаббат эмас, балки инсон учун зарур бўлган умумбашарий туйғулар ишини кўриш мумкин. Орадан йиллар ўтса-да, Кажол ва Шоҳрух Хон Болливуд оламидаги энг ёрқин жуфтлик эканини исботлай олди.
Мазкур картинанинг сюжети жуда ҳам ноёб бўлиб, уни кўрмаганларга томоша қилиш тавсия этилади.
Изоҳ (0)