20 апрель куни шаҳарнинг гўзал Tashkent City ҳудудида «Агробанк» АТБ томонидан «Мобил банк офиси: тезкор, ишончли, инновацион банк хизматлари ривожланишнинг янги босқичида» мавзусида пресс-тур ўтказилди. Унда «Агробанк» АТБ офисининг раҳбар ва ходимлари ҳамда оммавий ахборот воситалари вакиллари иштирок этди.
Кейинги йилларда Ўзбекистоннинг банк-молия соҳасида ҳам кенг кўламли ислоҳотларда ўз ўрнига эга бўлган «Агробанк» акциядорлик тижорат банки томонидан ҳам трансформация жараёнлари жадаллик билан олиб бориляпти. Банк аҳоли ва мижозларга тезкор, ишончли, инновацион банк хизматларидан фойдаланиш имкониятларини кенгайтиришга катта эътибор қаратиб келмоқда.
Бу борада банк хизматлари ва маҳсулотлари қулайлигини ошириш, замонавий банк хизматларини ишлаб чиқиш бўйича ривожланган, хорижий банклар тажрибаси мунтазам ўрганилиб келинмоқда.
Айни шу жараёнда хорижий «Сбербанк» ва «Зираат Банк» тажрибаси асосида, хизмат кўрсатиш ҳудудини ўзгартира оладиган мобил офислар фаолияти ўрганиб чиқилди. Банкнинг узоқ йиллик ривожланиш стратегияси ва трансформация жараёнларида ҳам банк томонидан мобил офислар фаолиятини йўлга қўйилиши назарда тутилган.
Ушбу мобил офис жисмоний шахсларга кўплаб банк хизматларидан фойдаланиш имкониятини беради. Хусусан, у банкоматдан нақд пул олиш, пластик карталарни тўлдириш, халқаро пул ўтказмалари, бир марталик тўловлар, Uzcard ва Humo пластик карталарини очиш, кредит олиш бўйича ариза қолдириш ҳамда бошқа банк хизматларини тақдим этади.
Мазкур мобил офисни ташкил этиш мақсадида «Агробанк» республикадаги тижорат банклари ичида биринчилардан бўлиб, юртимизда ишлаб чиқарилаётган Isuzu HD 50 автобусини белгиланган қонунчилик асосида, қўшимча техник жиҳозлаш натижасида масофа танламас кўчма банк офисини яратди.
Ҳозир ана шу «Агробанк» мобил офиси Тошкент шаҳрида, Isuzu HD 50 автобуси синов тариқасида хизмат кўрсатиш учун барча керакли техник жиҳозлар билан таъминланиб, хизмат кўрсатишга шай ҳолатга келтирилган.
«Агробанк» келгусида ҳам аҳоли учун қулай шарт-шароитлар яратиш, банк хизматлари соҳасини ривожлантириш ва интерактив хизматларни янада ривожлантириш йўлида ўзининг муносиб ҳиссасини қўшаверади.
«Агробанк» АТБ матбуот хизмати
Реклама ҳуқуқи асосида.
Изоҳ (0)