Европада 2018 ва 2020 йиллар оралиғида Евроиттифоққа катталар кузатувисиз келган ва жамоат назорати остида бўлган 18 292 нафар қочқин бола бедарак йўқолган. Бу масала Британиянинг Guardian нашри ва Нидерландиянинг VPRO телерадиокомпанияси билан ҳамкорликда ўтказилган Германия медиа компаниясининг тадқиқотида муҳокама қилинди, деб ёзмоқда «Korrespondent.net».
Йўқолган болаларнинг аксарияти Марокаш, Жазоир ва Эритреядан қочқин сифатида келган.
Тадқиқотда маълум бўлишича, Франция, Дания ва Руминия бу каби маълумотларни тўпламайди, Болгария ҳукумати эса мамлакатга катталар билан ёки ёлғиз келган вояга етмаганларни алоҳида рўйхатга олмайди.
2018 ва 2020 йиллар оралиғида Германияда 7806 нафар вояга етмаганнинг йўқолгани ҳақида хабар берилган, уларнинг 7082 нафари топилган, лекин 724 нафари ҳалигача бедарак йўқолган ҳисобланади.
Германия Жиноятчилик полицияси федерал бошқармасининг аниқлик киритишича, статистика тизимидаги бўшлиқлар сабабли бу фақат тахминий маълумотлардир.
Мутахассисларнинг таъкидлашича, статистикадаги бундай камчиликлар вояга етмаганларнинг эксплуатация қилиниш хавфини келтириб чиқаради.
Аввалроқ Қўшма Штатларга Марказий Америкадан сўнгги 20 йил ичида рекорд даражада кўп ноқонуний муҳожирларнинг келиши кутилаётгани маълум қилинди. 15 март куни чегарадан ўтувчилар таркибида 4,8 минг нафар вояга етмаган ноқонуний муҳожир бўлган, бу ундан олдинги ҳафтанинг ўрталаридаги кўрсаткичдан 25 фоиз кўпроқ.
Россия Ички ишлар вазирлиги эса чет эл фуқароларини рўйхатдан ўтказиш учун муҳожирларга давлат хизматларини электрон шаклда олиш имконини берадиган ягона ахборот платформаси яратилишини маълум қилди.
Изоҳ (0)