Ingenuity вертолёт-дрони биринчи марта Марс узра парвоз қилди (фото ва видео)

Ingenuity учувчисиз вертолёти Марсда биринчи синов парвозини амалга оширди, деб ёзади «РБК».

«Маълумотлар шуни кўрсатмоқдаки, вертолёт муваффақиятли биринчи парвозни амалга оширди», — дейилади NASA’нинг Twitter’да қолдирган хабарида. Ingenuity бошқа сайёрада парвоз қилган биринчи қурилмага айланди, дея қайд этди муассаса.

"Wow!"

The @NASAJPL team is all cheers as they receive video data from the @NASAPersevere rover of the Ingenuity #MarsHelicopter flight: pic.twitter.com/8eH4H6jGKs

— NASA (@NASA) April 19, 2021

Ingenuity Марс юзасидан тахминан 3 метр баландликка кўтарилиб, 30 сония давомида шу баландликни ушлаб турди. Сўнг дрон қўнишни амалга оширди. Вертолёт ўз видеокамерасидан олинган суратларни ва Perseverance марсоходи ҳақидаги маълумотларни Ерга узатди.

🚁 A dream takes flight! Today, the Ingenuity #MarsHelicopter became the first aircraft in history to make a powered, controlled flight on another planet.

📺 Join us at 2pm ET (18:00 UTC) for an analysis of Ingenuity’s first flight & what's to come: https://t.co/Tj5bOylcqr pic.twitter.com/jiU9kzBLEz

— NASA (@NASA) April 19, 2021

Дастлаб вертолёт 11 апрель куни учирилиши керак эди, аммо парвоз муддати бир неча марта кўчирилди.

Ingenuity Марсга Perseverance марсоходи билан бирга етиб келган. Марсоход ортилган ракета 2020 йил июлида Флорида штатида жойлашган Канаверал бурнидаги космодромдан учирилган эди. Февралда Америка ровери Езеро кратерига бориб қўнди. Бунгача сунъий йўлдошдан олинган маълумотлар ёрдамида у ерда катта кўлга бориб қуйилган дарё ўзани излари аниқланган эди. Олимлар фикрича, кратерда ҳаёт излари сақланиб қолган бўлиши мумкин.

You wouldn’t believe what I just saw.

More images and video to come...#MarsHelicopterhttps://t.co/PLapgbHeZU pic.twitter.com/mbiOGx4tJZ

— NASA's Perseverance Mars Rover (@NASAPersevere) April 19, 2021

Вертолёт 31 кун (Ер ҳисоби бўйича) ишлашга мўлжалланган. Парвозлар чоғида дрон ҳудудни аэрофотосъёмка қилади. Кейинги парвоз тўрт кундан сўнг амалга ошиши керак, унда Ingenuity 5 метргача баландликка кўтарилиши кутилмоқда.

Incredible. Ingenuity’s shadow during flight. Biggest congrats to #MarsHelicopter team! pic.twitter.com/YCzpJ1b2Kg

— Thomas Zurbuchen (@Dr_ThomasZ) April 19, 2021

Дроннинг оғирлиги тахминан 1,8 кг бўлиб, уни ишлаб чиқиш учун 85 миллион доллар сарфланган. NASA аввалроқ бундай қурилма учун асосий муаммо Марс атмосферасининг ўта сийраклигидан иборат бўлишини маълум қилганди. «Марс атмосферасининг зичлиги Ерникининг атиги 1 фоизига тенг, шу сабабли, вертолёт шунчаки сайёра юзасида турган вақтида ҳам бу унинг учун Ердаги 30 км баландликка тенг бўлади», — деган эди лойиҳа муаллифи.