Кўпгина юлдузлар Голливуд булварида уларнинг номлари абадийлаштирилишини орзу қилади. Чунки бу муваффақият ва машҳурликнинг кўрсаткичидир. Бироқ  шундай таниқли юлдузлар ҳам борки, улар нафақат юлдуз ҳақида орзу қилмайди, балки ундан ҳатто бош ҳам тортишган.

Ал Пачино 

Фото: Pinterest

Машҳур актёр Голливуднинг шон-шараф хиёбонида тинч ва юлдузсиз яшашга қарор қилган. Гап шундаки, Ал Пачино қўмита томонидан қўйилган шартларни ёқтирмаган. Унинг юлдузлар номинацияси маросимида ўтказиладиган тадбирлар учун кўп вақти йўқ эди. Бундан ташқари, ушбу муҳим воқеадан олдин бундай шарафга сазовор бўлишга қарор қилганда 50 минг доллар тўлов қилиши кераклиги маълум бўлган. Актёр пулни юлдуз учун берганидан кўра, уни ўзида сақлаш яхшироқ деб билган.

Мадонна

Фото: Pinterest

Мадоннанинг бу каби юлдузга икки марта номзодлиги қўйилган. Аммо хонанда ҳар сафар уни рад этган. Юлдуз нима учун исмининг абадийлаштирилишига рози бўлмаганини ошкор қилмаган. У шунчаки инсонлар ёдида бундай тарзда қолишни истамаслигини, унинг ижодини содиқ мухлислари эслаб, ҳурмат қилишини маълум қилган.

Жорж Клуни

Фото: Pinterest

Қўмита аъзолари Жоржнинг номзодини ҳам юлдуз учун қўйган эди, аммо у таклифни эътиборсиз қолдирган. Жорж ҳеч қачон бундай маросим учун бирор кунни белгиламаган. Кўриниб турибдики, актёр карьерасида бу каби юлдузга муҳтож эмас.

Жулия Робертс

Фото: Pinterest

2001 йилда «Оскар» мукофотига эга бўлган актрисага ташкилий қўмита унга шон-шараф хиёбонида юлдузча ўрнатишни таклиф қилди. Жулия рози бўлмади ва таклифни рад этди. 2019 йил яна унга таклиф бўлди. «Чиройли аёл» фильмидан кейин Робертснинг қаҳрамони булвардан жой олган.

Клинт Иствуд

Фото: Pinterest

Клинт ҳақиқий Голливуд юлдузи, аммо ҳеч ким унинг исмини шон-шараф хиёбонидан топа олмайди. Бунга сабаб актёрнинг ўзи бош тортган. Қўмита ташкилотчиларининг сўзига кўра, Иствуд хоҳласа, исталган вақтда вазиятни тўғрилаши мумкин.

Уитни Хюстон

Фото: Pinterest

1995 йилда Уитни Хюстон юқоридагидек таклифни эътиборсиз қолдирган. Кейинчалик унинг менежери қўшиқчининг номига одамларнинг қадам босишини истамаслигини тушунтирган. 2012 йилда хонанданинг вафотидан кейин қўмита аъзолари қариндошларига унинг номини асосий булварда абадийлаштиришни таклиф қилишган. Бироқ Хюстоннинг яқинлари у доимо ўзининг юлдузига қаршилик қилгани учун рози бўлмаган.