Gollivudning “Oskar” mukofotiga loyiq ekaniga qaramay, uni qo‘lga kiritmagan yulduzlari (foto)

Yetarlicha mashhurlikka erishgani, ijrosi bilan muxlislar qalbidan joy olib ulgurganiga qaramay, “Oskar” mukofotiga loyiq ko‘rilmagan yulduzlar haqida ma’lumot berib o‘tamiz.

Jennifer Eniston

1994-yil ekran yuzini ko‘rgan “Do‘stlar” filmining muvaffaqiyatiga qaramay, Enistonga na “Gremmi” na “Oltin Globus” mukofoti berilgan. “Oskar” haqida-ku gapirmasa ham bo‘laveradi. Karyerasi davomida boshqa bir qancha muvaffaqiyatli loyihalarda ishtirok etsa hamki, aktrisa Amerika kinoakademiyasi a’zolarining e’tiborini torta olmagan. Jennifer omad va muvaffaqiyat mukofot bilan bog‘liq emas, deb hisoblaydi.

Jim Kerri

“Niqob”, “Men, yana men va Iren”, singari filmlar yulduzi mahoratining ta’rifiga hojat yo‘q. Shunga qaramay, ko‘p yillik karyerasi davomida aktyorning bir marta ham “Oskar”ga nomzodi qo‘yilmagan. Uning arsenalida faqatgina “Oltin Globus” va MTV Movie Awards mukofotlari bor.

Kemeron Diaz

Jim bilan birga “Niqob” filmida birga suratga tushgan Kemeron ham aktyor singari bir marta ham “Oskar”ga loyiq ko‘rilmagan. Faoliyatini modellikdan boshlagan Kemeron “Niqob”ning premyerasidan keyin mashhurlikka erishgan. “Oskar”ning yo‘qligi uni hech ham tashvishga solmaydi, u hayotda bundan ham muhimroq narsalar bor deb hisoblaydi. “Men o‘z kasbimni yaxshi ko‘raman va qilayotgan ishlarimni qandaydir mukofotni olish uchun bajarmayman”, — deydi aktrisa.

Jonni Depp

Uch karra nomzodi qo‘yilganiga qaramay, Gollivud yulduzi bir marotaba ham “Oskar”ni qo‘lga kiritmagan. “Karib dengizi qaroqchilari: Qora marvarid tavqi la’nati” filmi sabab ilk bor 2004-yilda nomzod bo‘lgan, ammo mukofot Shon Penga nasib qilgan. Depp bugungi kunda “Oltin globus” va “SAG Award” mukofoti bilan maqtanishi mumkin.

Sheron Stoun

90-yillarda mashhurlikka erishgan aktrisa “Asosiy instinkt” filmidagi roli unga haqiqiy muvaffaqiyat olib kelgan. Ammo shunga qaramay, kinoakademiyadagilar unga e’tibor qaratmagan. 1996-yilda “Kazino” filmidagi roli uchun eng yaxshi aktrisa sifatida “Oskar”ga nomzodi qo‘yilgan, ammo mukofot unga nasib qilmagan.

Kianu Rivz

“Matritsa” filmida bosh qahramonni gavdalantirgan Rivzning ijrosi bir qancha mukofotlar, xususan, “MTV kanalining kinomukofoti”ga loyiq ko‘rilgan. Ammo “Oskar”ga emas. Aktyor uchun bu mukofotlar tugul, yulduzlik ham muhim mohiyatga ega emas. U kamtar va oddiyligi bilan shou-biznesning boshqa vakillaridan ajralib turadi.

Skarlett Yoxansson

10 yoshidan suratga tushishni boshlagan aktrisa karyerasi davomida bir qancha esda qolarli rollarni ijro qilgan. “Qora beva” filmidagi Natasha Romanoff so‘nggi omadli ijrolaridan biri hisoblanadigan aktrisa, 2020-yilda “Nikoh haqidagi hikoya” filmi uchun eng yaxshi aktrisa, “Quyoncha Jojo” sabab esa ikkinchi darajali eng yaxshi aktrisa yo‘nalishlariga nomzodi qo‘yilgan. Ammo mukofot Rene Zellveger va Lora Dernga nasib qilgan.