Ўзбекистон ва Хитой ZF-UZ-VAC2001 вакцинаси коронавируснинг янги «британча» ва «бразилияча» штаммларига қарши самарали экани тасдиқланди, деб хабар бермоқда Инновацион ривожланиш вазирлиги матбуот хизмати.
Бундан ташқари, 2021 йил февраль ойида ўтказилган синовлар доирасида лаборатория намуналари натижаларига кўра, вакцина коронавируснинг «жанубий африка» штаммига қарши актив нейтрал ҳолатини сақлаб қолгани қайд этилган.
«Тадқиқотларнинг учинчи босқичи натижаларига кўра, вакцина юқори самарадорликни ва юқори даражадаги антитаналар ишлаб чиқилишини кўрсатди. <...> Назорат гуруҳига киритилган 150 нафар кўнгиллиларнинг 90 фоизида иккинчи дозадан сўнг қонда 4,55 Ау/мл дан юқори бўлган антитаналар даражаси аниқланди, бу коронавирусни зарарсизлантириш учун етарли ҳисобланади», — дейилади хабарда.
Таъкидланишича, Ўзбекистондаги клиник тадқиқотлар халқаро клиник амалиётда қўлланиладиган ҳуқуқий ва ахлоқий меъёрларга мувофиқ GCP (Good Clinical Practice — Тегишли клиник амалиёт) қоидаларини ҳисобга олган ҳолда ўтказилди.
Республикада коронавирусга қарши Хитойнинг Anhui Zhifei Longcom компанияси вакцинасиниг учинчи босқичи синовлари 2020 йил 10 декабрда бошланганди. Кейинчалик компания Ўзбекистонни ZF-UZ-VAC 2001 деб ном олган вакцинани ишлаб чиқишда ҳаммуаллифи сифатида тан олди. 1 март куни Ўзбекистонда ушбу вакцинаси фойдаланиш учун рўйхатдан ўтказилди. 27 март куни ZF-UZ-VAC2001 вакцинасининг 1 миллион дозаси Хитойдан Ўзбекистонга олиб келинди. Апрель охирига қадар яна 1 миллион дона Хитой вакцинаси олиб келиниши маълум қилинган.
Изоҳ (0)