Ҳозирги кунда шубҳасиз, ҳар бир хонадонда телевизор мавжуд, лекин биз ҳали ҳам кинотеатр ва катта экранларни яхши кўрамиз. Улар ўзига хос муҳит яратиб, томошабинга содир бўлаётган воқеаларни яқиндан кузатишга ва ўша оламга шўнғишга имкон беради. Ёрқин, махсус эффектларга бой, замонавий фильмларнинг кўпчилиги катта экранларга мўлжалланган. Лекин ҳар куни кинотеатрга бориш ноқулайлик яратади ва бироз қимматга тушади. Аммо сиз ўз уйингизда ҳам кинотеатрни ташкиллаштиришингиз мумкин. Яхши сифатли проектор меҳмонхонангизда уй кинотеатрини ташкил этишга ёрдам беради. Ёзги дам олиш мавсуми бошланиши билан шаҳар ташқарисида, шинам оқшомларда, катта экранда фильм томоша қилиб, завқланиш учун сиз уни осонгина ўзингиз билан бирга олиб кетишингиз ҳам мумкин.
Проекторларнинг турли хил оптикага эга бир неча турлари ҳам мавжуд. Масалан, ультра қисқа фокусли проекторларни экрандан атиги 30 сантиметр узоқликда ўрнатиб, диагонали 100 дюймга яқин тасвирга эга бўлиш мумкин. Ўрта фокусли моделларнинг кўпчилиги эса одатда шифтга илинади ёки стеллажга қўйилади. Бундай проекторларда диагонали 100 дюймли тасвирни томоша қилиш учун уларни экрандан камида 2,5 метр узоқликдаги масофага ўрнатиш керак бўлади.
Яна бир муҳим жиҳат — ёрқинлик ва ранг равшанлиги бўлиб, у бинони ёритилганлик даражасига қараб танланади. Бу люменларда (Лм) ўлчанади ва ёруғлик оқимининг кучини қайтаради.
Ҳамма ишлаб чиқарувчилар ҳам қурилманинг хусусиятларида рангларнинг ёрқинлик параметрларини кўрсатмайди, улар проектор рангли тасвирларни қанчалик ёрқин намойиш этишини кўрсатади. Ёрқинлик ва ранг тиниқлиги кўрсаткичлари нисбатига қараб, проекторнинг ранг узатиш сифати қанчалик юқори эканлигини билиш мумкин. Масалан, уч матрицали проекторларда ранг ёрқинлиги ҳар доим уларнинг максимал ёрқинлигига тенг бўлади. Бу ҳатто проекторнинг энг ёрқин режимида ҳам тасвирнинг яхши сифатда бўлишини кафолатлайди. Бир матрицали моделларники эса ҳар хил бўлади, уларни ҳар доим алоҳида аниқлаб олиш керак.
Уй проекторлари бир ва уч матрицали бўлади. Уч матрицали технологиянинг ишлаш принципи жуда оддий – асосий ранглар проектор ичидаги призма ёрдамида аралаштирилади, натижада одам тайёр тасвирни идрок этади.
Бир матрицали технологияда ранглар навбат билан узатилади, тайёр тасвир эса томошабиннинг онгида шаклланади. Epson фақат 3LCD технологияси билан патентланган, уч матрицали проекторларни ишлаб чиқаради.
Ўз-ўзидан аниқлик қанчалик юқори бўлса, майда деталлар шунчалик аниқ акс этади. Шунинг учун Full HD форматидаги фильмларни томоша қилиш учун бу кўрсаткич 1920×1080 ни ташкил этиши керак. Кино оламидаги сўнгги янгиликлардан бири бу 4K формати бўлиб, у 4096×2160 ёки 3840×2160 аниқликни талаб этади. Бу форматдаги фильмларни намойиш этишга қодир проекторлар арзон турмайди, аммо бундай таркибни Full HD матрицалар ёрдамида ҳам намойиш этиш мумкин.
Хусусан, Epson’да 4K Enhancement технологиясига эга моделлар мавжуд бўлиб, улар 4K таркибни нисбатан кичикроқ аниқлик доирасида намойиш эта олади. Пикселларнинг «рақамли» силжиши ҳисобига тасвир нисбатан янада аниқроқ кўринади.
Шундай қилиб, проекторлар борасида техник маълумотларга эга бўлмасдан ва бу қурилмаларни яхши тушунмасдан туриб ҳам яхши проекторни танлаш қийин эмас. Бунинг учун шунчаки жуда паст нархларга чалғиб қолмасдан, бозордаги яхши обрўга эга бўлган, таниқли брендларнинг маҳсулотларини кўриб чиқиш керак. Таниқли бренд проекторини сотиб олаётганда, ҳеч бўлмаганда унинг барча хусусиятлари айтилган барча жиҳатларга мослигига ишониш мумкин (афсуски, ишончли бўлмаган савдо белгиларининг ускуналарида бундай бўлмаслигининг эҳтимоли мавжуд).
Тошкентда Epson компаниясининг кўргазма зали жойлашган бўлиб, у ерда компания маҳсулотларининг кенг ассортименти тақдим этилган. Тажрибали консультантлар сизга тақдим этилган Epson ускуналари ва технологиялари ҳақида батафсил маълумот беради.
Epson кўргазма зали қуйидаги манзилда жойлашган: Тошкент шаҳри, Кичик ҳалқа йўли кўчаси, 25 уй (мўлжал: аэропортдаги кўприк).
Телефон: +99871 250 03 43
Реклама ҳуқуқи асосида.
Изоҳ (0)