UFC 264 мусобақаси учун чиқарилган 20,8 минг чипта сониялар ичида сотиб тугатилди. Бу ҳақда UFC президенти Дэйна Уайт маълум қилди.
Мазкур мусобақанинг асосий жанги Конор Макгрегор ва Дастин Порье ўртасидаги кечади. Мусобақага АҚШнинг Лас-Вегас шаҳридаги Т-Mobile аренаси мезбонлик қилади. UFC кечаси Тошкент вақти билан 11 июль тонгида бўлиб ўтади.
Аввалроқ мазкур мусобақада ўзбекистонлик UFC жангчиси Маҳмуд Муродов ҳам жанг қилиши хабар қилинганди. Бироқ ҳозирча унга ким рақиб бўлиши номаълум.
Эслатиб ўтамиз, Порье UFC 257 мусобақасида Макгрегорни иккинчи раундда нокаутга учратганди. Ундан аввал яккакурашчилар 2014 йилда ҳам ўзаро тўқнаш келган ва унда ирландиялик спортчи биринчи раундда Порьени нокаутга учратганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)