«Реал» ҳимоячиси Рафаэл Варан фаолиятини Англия Премьер Лигасида давом эттириши мумкин.
27 ёшли футболчига «Манчестер Юнайтед»дан қизиқиш борлиги, инглиз клуби ва футболчи ўртасидаги музокаралар ижобий тус олаётгани хабар қилинганди. Эндиликда манкунианларга рақобатчи ҳам топилди.
«Челси» устози Томас Тухель франциялик футболчини ўз жамоасида кўрмоқчи, дея хабар қилмоқда Bild журналисти Кристиан Фальк.
Вараннинг мадридликлар билан амалдаги шартномаси 2022 йилнинг ёзига қадар мўлжалланган. Клуб Рафаэл билан янги шартнома борасида муросага кела олишига ишонмаяпти. Шу тариқа «Реал» футболчини текинга қўйиб юбормасликни истаса, 2021 йилнинг ёзида сотиб юборишига тўғри келади.
27 ёшли футболчи 2020/21 йилги мавсум Ла Лигада 27 ўйин ўтказиб, иккита гол урди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)