Севги ва муносабатларни расмийлаштиришнинг эрта-кечи йўқ. 60, 70 ҳатто 90 ёшида турмуш қурган қуйидаги жуфтликлар эса бунинг исботи.
Алан Рикман ва Рима Хортон
Шахсий ҳаёти ҳақида овоза қилишни яхши кўрмайдиган режиссёр бўлажак рафиқаси билан 1965 йилда танишган. Бу вақтда у 19 Рима эса 18 ёшда бўлган. Орадан 12 йил ўтиб бирга яшашга қарор қилган жуфтлик 47 йил ўтиб муносабатларини расмийлаштирмоқчи бўлган. 2012 йилда 66 ёш Алан ва 65 яшар Рима яширинча турмуш қурган. Нью-Йоркда гувоҳларсиз никоҳдан ўтган жуфтлик маросимдан кейин шаҳар айланган ва ресторанда овқатланган. Бу ҳақда Билд нашрига берган интервьюсида маълум қилган Алан 2016 йилда саратондан вафот этган.
Хелен Миррен ва Тэйлор Хекфорд
Машҳур актриса ҳамиша расман турмуш қуришга қарши бўлган. «Оқ тунлар» (1985) фильмини суратга олиш майдончасида Тэйлор билан танишган актриса орадан 12 йил ўтиб, 1997 йилда унга турмушга чиққан.
Квентин Тарантино ва Даниэла Пик
Ҳаётини ишига бағишлаган ва турмуш қуришга қарши эканини таъкидлаб келган 60 актёрнинг уйлангани ҳақидаги хабар мухлислари учун кутилмаган бўлган. Режиссёр Даниэла билан 2009 йилда «Шарафсиз ваҳшийлар» фильмининг премьераси учун Исроилга борганида танишган. Учрашишни бошлаганидан кейин орада бироз муддатга айрилган жуфтлик 2016 йилда ярашиб олган. 2018 йилда оила қурган ва 2020 йилда фарзандли бўлган.
Тина Тернер ва Эрвин Бах
Саккиз марта «Гремми»ни қўлга киритган юлдузнинг ҳаёти ўзгаришларга бой бўлган. Эрвинга қадар у РеймондХилл, Айк Тернер билан турмуш қурган ва уларнинг ҳар иккисидан ҳам фарзандли бўлган. 1986 йил Келнга хизмат сафарига борган юлдузни ЭМИ овоз ёзиш компаниясининг вакили Эрвин Бах кутиб олган. 30 яшар Эрвин 46 ёшли Тинага турмуш қуришни таклиф қилган. Аммо Тернер ушбу таклифга орадан 27 йил ўтибгина (73 ёшида) розилик берган. 2013 йилда турмуш қурган жуфтликнинг тўйида машҳурлардан Эрос Рамазотти, Дэвид Бои, Опра Уинфри иштирок этган. Орадан ойлар ўтиб Тернернинг саломатлиги ёмонлашган ва Эрвин буйрак кўчириб ўтказиш учун унга донорлик қилган.
Хю Грант ва Анна Эберштейн
Актёр нафақат фильмлардаги роллари, балки узоққа бормайдиган муносабатлари билан ҳам машҳур ҳисобланади. 1987 йилда Элизабет Херли билан учрашиб юрган юлдуз кейинроқ Тинглан Хонг билан ҳам муносабатда бўлган. Хонг — Хюнинг икки нафар фарзандининг онаси. Продюсер Анна Эберштейн ҳам унинг уч фарзандини дунёга келтирган ва шундан кейингина 57 яшар актёр биринчи марта расман турмуш қуришга қарор қилган.
Жерри Холл ва Руперт Мердок
Жеррига қадар ҳам шахсий ҳаётида турли инсонлар бўлган Руперт 84 ёшида 59 яшар Холлга уйланган. Лондонда бўлиб ўтган маросимда жуфтликнинг дўстлари ва яқинлари билан бирга ўн нафар фарзанди ҳам иштирок этган.
Жоан Коллинз ва Перси Гибсон
Машҳур британиялик актриса бир эмас, беш марта турмуш қуриб улгурган. Сўнгги марта 2002 йилда турмуш қурганида унинг ёши 69 да бўлган. Ўрталарида 32 ёш тафовут бўлишига қарамай, жуфтлик 19 йилдан буён бирга.
Жорж Кирби ва Дорин Лаки
Британиялик мазкур жуфтлик Гиннеснинг рекордлар китобига киритилган. Оила қурган вақти Дориннинг ёши 91, Жоржникиэса 92 да бўлган. Кирби севишганлар кунида Доринга турмуш қуришни таклиф қилган ва улар 2015 йилнинг 13 июнида муносабатларини расмийлаштирган. Аввалги турмушларидан 7 нафар фарзанди, 15 та набира ва 7 та эвараси бўлган жуфтликнинг тўй маросимида яқинлари ҳамда дўстлари иштирок этган.
Изоҳ (0)