Америкалик қўшиқчи ва актриса Женнифер Лопес қаллиғи Алекс Родригес билан ажрашганини маълум қилди

Женнифер Лопес ва Алекс Родригес муносабатларига нуқта қўйганини расман эълон қилиб, дўст бўлиб қолишга қарор қилди.

«Дўст бўлиб қолганимиз яхши деб ўйладик. Бирга ишлашда ва иш билан алоқали масалаларда бир-биримизни қўллаб-қувватлашда давом этамиз. Бир-биримиз ва фарзандларимизга энг яхши тилакларни тилаймиз. Шунингдек, илиқ сўзлар айтган ва қўллаб-қувватлаган ҳаммага миннатдорчилигимизни изҳор қиламиз», — деган жуфтлик.

https://www.instagram.com/p/CLmgsIRngeq/?utm_source=ig_embed

Маълумот учун, 2017 йилдан учрашишни бошлаган 51 ёшли Лопес ва 45 яшар Родригес 2019 йилда унаштирув ҳақида эълон қилган. Шу йили ўтказиш режалаштирилган тўй пандемия сабаб номаълум вақтга сурилган эди.

Хонанда Женнифер Лопес бундан аввал уч марта —менежер Охани Ноа, раққос Крси Жадд ва Марк Энтонилар билан оила қуриб ажрашган ва икки марта фарзандли бўлган. Синтия Скертис билан турмуш қурган Родригеснинг ҳам иккита фарзанди бор.

Алекс ва Женнифернинг муносабатлари ёмонлашгани ва уларнинг ажрашгани ҳақидаги миш-мишлар бундан бир неча ҳафта аввал тарқалган. Бунга Алекснинг хиёнат қилгани сабаб бўлган бўлиши мумкин. Бу спортчи билан боғлиқ биринчи ҳолат эмас.

Аввалроқ Лопес билан учрашиб юрган вақтида ҳам Алекснинг бир нечта қизлар билан муносабати бор эканлиги ҳақида маълумот тарқалган, аммо қўшиқчи бу вақтда бундай миш-мишларга ишонмаслигини маълум қилган.