2021 йилнинг иккинчи ярмидан бошлаб Ford F-150 пикаплари ва Mustang Mach-E электрокроссоверларига рулни мунтазам ушлашни талаб этмайдиган трасса автопилоти — BlueCruise’ни ўрнатиш бошланади. Тизим бозорга чиққунига қадар АҚШнинг 37 та штати ва Канаданинг бешта провинциясидаги йўлларда 800 минг километрдан ортиқ масофани босиб ўтиб, синовдан ўтказилди, деб хабар беради Motor.
Ford’нинг BlueCruise трасса автопилоти автономликнинг иккинчи авлод тизимига тааллуқли. У Ford Co-Pilot360 жамланмаси билан биргаликда ишлайди, яъни адаптив круиз-назорат, йўл марказида автомобилни тутиб туриш режими ва йўл белгиларини таниш функциясини талаб этади. BlueCruise фаоллаштирилган ҳолда ҳайдовчи қўлини рулдан олиши мумкин, бироқ фақатгина автомагистралларнинг Hands-Free Blue Zones деб номланувчи қисмида холос. Шимолий Америкада бу каби «Кўк зoналар»нинг узунлиги ҳозирда 160 минг километрни ташкил этади ва яқин йиллар ичида уларнинг сони камида икки бараварга оширилади.
Керакли ҳудудга кирилганида ҳайдовчи қурилмалар панелидаги кўк индикация орқали огоҳлантирилади. Огоҳлантиришни олгач, рулни қўйиб юбориш мумкин, аммо ухлаш ёки китоб ўқишнинг имкони йўқ — йўлдан кўзни узмаслик керак. Ҳайдовчи ҳар қандай сонияда бошқарувни ўзига олишга тайёр бўлиши лозим ва уни махсус инфрақизил камера кузатиб боради. Умуман олганда, «Кадиллак»ларнинг SuperCruise, Toyota’нинг Advanced Drive тизимлари ҳам бемалол ҳаракатланиш имконини бермайди.
BlueCruise ишга туширилишидан олдин Mother of all road trips («Барча йўл ҳаракатларининг онаси») номли интенсив дастур синовдан ўтказилган. Икки ой ичида ўнта тест машиналари (бешта F-150 ва бешта Mustang Mach-E) 170 мингдан ортиқ йўлни босиб ўтган. Ихтирочиларнинг сўзларига кўра, айрим магистраллардаги ҳаракатланиш шароити ва ўзига хослигини лаборатория шароитида яратишнинг имкони йўқ, шу сабабли бутун қитъа бўйлаб ҳаракатланиш — тизим хавфсизлиги ишонч ҳосилнинг ягона йўли.
Эндиликда BlurCruise тизими билан 2021 йилги модель қаторидан ўрин оладиган Ford F-150 ва Mustang Mach-E жиҳозланади. Ford Co-Pilot360 Active 2.0 Prep пакетига эга пикапларга дастурни шунчаки янгилаш таклиф этилади — бу 600 доллар туради. Дастурий таъминотнинг тўлиқ қиймати эса 600—1595 доллар ва «тоши» 995 доллар туради. Mustang Mach-E кроссоверларининг CA Route 1, Premium ва First Edition версияларига автопилот «базавий» ўрнатилади. Қолганлар эса қўшимча 600—3600 доллар тўлаши керак бўлади.
Эслатиб ўтамиз, март ойида Honda ҳам бошқарув вақтида рулни ушламаслик имкониятини тақдим этувчи автопилотга эга машинасини тақдим этганди.
Изоҳ (0)