Farg‘ona viloyatining Marg‘ilon shahrida yo‘lni belgilanmagan qismidan kesib o‘tayotgan velosipedchini Lacetti urib yubordi. Bu haqda viloyat IIB axborot xizmati xabar berdi.
Voqea 9-aprel kuni soat 17:30 larda yuz bergan. 1990-yilda tug‘ilgan fuqaro boshqaruvidagi Lacetti rusumli avtomashina yo‘lni belgilanmagan qismidan kesib o‘tayotgan 2009-yilda tug‘ilgan velosipedchini urib yuborgan. Oqibatda velosipedchi shifoxonada vafot etgan.
Ma’lumotga ko‘ra, YTH sodir bo‘lgan avtomobil yo‘li 8-aprel kuni kechki vaqt mutasaddi tashkilotlar tomonidan to‘liq ta’mirlangandan keyin topshirilgan bo‘lgan. Lekin avtomobil yo‘li jihozlanmagan va yo‘l belgilari chizilmagan holatda foydalanishga topshirilgan.
Eslatib o‘tamiz, 8-aprel kuni Farg‘ona viloyatining Dang‘ara tumanida Lacetti yo‘lning qatnov qismini kesib o‘tayotgan velosipedchini urib yuborgan, oqibatda u tan jarohati olib, shifoxonada vafot etgandi. Mavzuga doir:
