Spotify мусиқий стриминг сервиси Car Thing номли автомобиль плеерини тақдим этди — у сервисдаги мусиқалар ва подкастларни эшитишга мўлалланган. Қурилманинг кўриниши GPS-навигаторга ўхшайди: вентиляция дефлектори ёки олд ойнага қотириш мумкин бўлган пластик корпусдаги кичик экран. Spotify плеерларнинг биринчи партиясини АҚШда бепул тарқатади, бироқ акцияда иштирок этиш учун бир қатор шартларни бажариш зарур, деб ёзади Motor.
Бепул девайсни фақатгина Spotify Premium’га пулли обуна бўлиб, махсус сайт орқали рўйхатдан ўтган ва қурилмани тестдан ўтказишда иштирок этишга тасдиқланган фойдаланувчилар қўлга киритиши мумкин. Аммо улар плеерни етказиб берилиши учун барибир пул тўлаши керак. Кейинчалик компания Car Thing қурилмаларини 80 доллардан сотиш ниятида, бироқ ҳозирча унинг қачон савдога чиқиши номаълум.
Car Thing’ни навигация тугмачаси ва клавишлар орқали ёки овоз ёрдамида бошқариш мумкин: бунда «Салом, Spotify» дейиш ва маълум бир қўшиқ, альбом, ижрожи ёки подкастни қўйишини сўраш кифоя. Қурилма автомобилга Bluetooth, USB-кабель ёки 3,5 миллиметрли разём ёрдамида уланади.
Спотифий Car Thing плеерини 2019 йилдан буён синовдан ўтказиб келмоқда. Компаниядагиларнинг таъкидлашича, Spotify стириминг платформалигича қолади ва турли мусиқий гаджетларни ишлаб чиқариш имкониятини кўриб чиқмаяпти.
Эслатиб ўтамиз, февраль охирларида Spotify мусиқий стриминг сервиси Ўзбекистонда ишга тушганди. Обунани (9,99 доллар + солиқ) компания сайти орқали ҳам харид қилса бўлади (халқаро карта керак). Ваъда қилинганидек, Spotify Ўзбекистонга тўлиқ глобал каталогини тақдим этган.
Изоҳ (0)