Пиёз, саримсоқ ва балиқ ҳидини бартараф этишнинг 10 усули

Овқат тайёрлаш жараёнида ёқимли ҳидлар таралиши табиий. Лекин ҳаммаси жараён якунлангач сезилади. Натижада уй бекаларининг қўлидан товуқ, саримсоқ ва пиёзнинг ёқимсиз ҳидини бартараф этишга тўғри келади.

Мавжуд воситалар ёрдамида ёқимсиз ҳиддан халос бўлишнинг кўплаб усуллари мавжуд.

Лимон шарбати

Лимон кислотаси балиқ ҳидининг манбайи бўлган аминларни аммоний тузларга айлантиради. Шунинг учун қўлни лимон шарбати билан ювиш тавсия этилади.

Зангламайдиган пўлат

Агар зангламас пўлатдан идиш бўлса, унга ҳиди келган қўлларни суриш кифоя. Бундан ташқари, пўлат санчқи ёки қошиқларни ювиш ҳам яхши ёрдам беради. Ушбу усул уй бекалари томонидан тажрибада синалган.

Қаҳва доналари

Бу энг яхши усуллардан бири бўлиб, айниқса, қаҳва ифорини хуш кўрувчилар учун айни муддао. Бир нечта қаҳва донаси ёки кукунини қўлга суриш, сўнгра совун билан ювиш тавсия этилади.

Ичимлик содаси

Кундалик ҳаётда истеъмол содасидан жуда кенг фойдаланилади. Ҳидларни бартараф этиш учун эса бир чой қошиқ ичимлик содаси билан қўлларни ювиш кифоя.

Тиш пастаси

Маълум бўлишича, тиш пастаси ҳам ҳидларни зарарсизлантиришда кенг қўлланилади. Бунинг учун восита қўлларга сурилади ва совуқ сув билан ювилади. Натижада қўлдан ёқимли ялпиз ҳиди келади.

Майданоз (петрушка)

Маълумки, майданоз япроқларидан чайнаш оғиздаги ҳидни бартараф этади. Шунингдек, қўлларни ҳам у билан ювиш мумкин.

Совуқ сув

Агар ёқимсиз ҳидни бартараф этишда воситалар топилмаса, шунчаки совуқ сув билан яхшилаб ювиш мумкин.

Туз

Агар қўл терисида яра ёки ёриқлар бўлмаса, тузни қўллар орасида яхшилаб ишқалаш мумкин. Сўнгра сувда бир неча марта ювиш керак.

Маиший қўлқоплар

Албатта, ёқимсиз ҳиддан халос бўлишнинг энг ишончли усули. Ундан фойдаланиш бироз қўпол бўлса-да, аммо терини хавфсиз равишда сақлайди.

Зайтун мойи

Яна бир синалган усуллардан бири пиёз, саримсоқ ёки балиқ гўштини ишлатишдан аввал қўлга зайтун мойини суришдир. Ёғ терини самарали ҳимоя қилади.