Қуйида номи келтирилган маҳсулотларни идиш тагида кам қолганига кўзингиз тушса, дарҳол ташлаб юборишга шошилманг. Бунинг ўрнига бошқа маҳсулотлар қўшиб, мазали соус, нонушта ёки ичимлик тайёрланг.
Хантал
Банкадан қолган хантал қолдиғидан салат учун мазали аралашма тайёрлаш мумкин. Майда тўғралган пиёз, бир чой қошиқ сирка ва икки қошиқ ёғ қўшинг. Қопқоғини ёпиб, яхши аралашиши учун силкитинг.
Шоколадли паста
Тагида озгина қолган шоколад ёки ёнғоқли паста идишига иссиқ сут солинг. Яхшилаб аралаштиринг ва қарабсизки, шоколадли коктейл тайёр.
Йогурт
Ширин бўлмаган йогурт идишига майдаланган кўкат ва саримсоқларни солинг. Озгина сув қўшинг ва гўштли таом учун соус тайёр.
Жем
Янги ўзига хос соус тайёрланг. Бунинг учун майда тўғралган қалампирга, райҳон ва жем қўшиб аралаштиринг.
Майонез
Майонез исталган соус учун асос бўлиши мумкин. Қирғичдан чиқарилган пишлоқ, лимон шарбати ва петрушка қўшиб аралаштиринг. Жуда ҳам мазали бўлади.
Банкадаги тузланган бодринг суви
Пиёз, саримсоқ, сабзи, қовоқча ва бодринг тўғраб, тузли суви бор банка ичига солинг.
Ёнғоқ ёғи
Кам қолган ёнғоқ ёғига кечаси сули ёрмаси ва иссиқ сут солинг. Тонгда эса мазали нонуштага асал, барра мевалар, кокос ёки шоколад қириндисини қўшинг.
Салса соуси
Идиш тагида қолган соусга сметана, ёки табиий йогурт қўшиб, сабзавотли ва гўштли таомларга соус сифатида ишлатинг.
Кетчуп
Кетчуп қолдиғидан машҳур ва мазали ББҚ соусини тайёрлаш мумкин. Бунинг учун томатли асосга ширин, тузли ва нордон компонентлар қўшинг. Қизил мурч, асал ва гуруч сиркаси янада мазали бўлишига ҳисса қўшади.
Изоҳ (0)