Ҳар дам олиш кунини уй ишлари учун қурбон қилиб, энг кўп вақтингизни тозалашга сарфлашдан чарчадингизми? Биз сизга тозалаш ишларини осонлаштиришга ёрдам берадиган бир неча оддий усуллар ҳақида маълумот берамиз.
Полни чангютгичда тозалашга шошилманг
Тозалашни полдан эмас, балки юқоридан пастга қараб бошланг. Акс ҳолда юқори юзалардаги чанг пастга тушади ва тозаланган пол яна ифлос бўлади.
Полни тозалашдан олдин юмшоқ мебель ва пардаларни чангютгич билан тозаланг. Тўшакларни тез-тез алмаштиринг, адёл ва ёстиқларни силкитиб олинг, чунки уларда чанг кўп тўпланади. Шифтдаги плинтус ва деворларни тозалашни ҳам унутманг. Шунингдек, чангютгич фильтри ва қопчасини тез-тез алмаштиринг. Агар чангютгичга чанг тўлиб қолса, тозалашнинг самараси паст бўлади.
Кийим қуритгични хонадан олиб ташланг
Албатта, ҳамманинг уйида кийимларини қуритиш ёки уйда кийим қуритгич ўрнатиш имконияти мавжуд эмас. Аммо қуритгични хонадан олиб ташлашнинг бирор иложини топиш лозим. Ҳатто ювилган тоза кийимда ҳам чанг ҳосил бўлади. Масалан, тери, соч қилларидан ташқари, мато толалари ҳам ажралиб, мебель ва атрофдаги барча юзаларда оқ чангли қоплама қолдиради. Балкон ёки ҳаммомга осиб қўйишингиз мумкин бўлган ихчам қуритгичлардан фойдаланинг.
Эски пайпоқлардан фойдаланинг
Агар шкафингизда жуфти йўқ пайпоқлар йиғилиб қолган бўлса, уларни бир марталик чанг йиғувчи сифатида ишлатиш мумкин. Пайпоқни қўлингизга кийиб олинг ва хонадаги чанг жойларни артиб чиқинг. Кейин ишлатилган пайпоқларни ташлаб юборинг.
Ролик ва резина қўлқоплар
Пахмоқ кийимларни тозалайдиган ролик тунги чироқ юзасини ва оёқ тагига тўшалган гиламча чангини тозалаш учун жуда қулай. Аммо тунги чироқ ноқулай ерда жойлашган бўлса, резина қўлқоплардан фойдаланган маъқул. Қўлқопларни кийиб, уни сув билан намланг, чанг жойларни қўлларингиз билан артиб олинг. Чангни икки қўл билан артиб олиш ёрдамида ишингиз тезроқ битади.
Пойабзал губкасидан фойдаланинг
Пойабзал тозалашда ишлатиладиган губка билан ёғочдан ясалган мебель юзаларини тозалаш мумкин. Агар губка кўп ишлатилган бўлса, мебелни қуруқ мато билан яна бир бор артинг.
Матоларни юмшатувчи восита
Бундай кимёвий воситалар мебелдаги чангни тозалаши билан бирга, ҳимоя қатламини ҳам яратади, шунингдек, бутун хона бўйлаб ёқимли ҳид таратади. Фақат кондиционерни мебелнинг ўзига эмас, балки намланган латтага сепишни унутманг.
Изоҳ (0)