Тошкент шаҳри Чилонзор туманидаги икки объектда ёнғин келиб чиқди, дея хабар бермоқда Фавқулодда вазиятлар вазирлиги.
Маълум қилинишича, 9 апрель куни соат 18:49 да Тошкент шаҳар Чилонзор тумани Навбаҳор кўчаси «Чархи Комолон» МФЙ ҳудудидаги озиқ-овқат дўкони ва тикувчилик цехида ёнғин келиб чиққан.
Ҳодиса юзасидан Тошкент вилояти Фавқулодда вазиятлар бошқармасининг ёнғин-қутқарув бўлинмалари соат 18:55 да воқеа жойига етиб борган. Олиб борилган тезкор ҳаракатлар натижасида ёнғин 19:14 да ўраб олиниб, 19:25 да тўлиқ бартараф этилди.
Ёнғиннинг келиб чиқиш сабаби ва зарари аниқланмоқда.
Бундан аввал Тошкент ва Зангиотадаги ишлаб чиқариш цехларида ёнғин содир бўлгани, Сирдарёдаги ўрмон хўжалигининг салкам 150 гектар майдони ёниб кетгани ҳамда Тошкентда тўхтаб турган Lacetti ёниб кетгани ҳақида хабар берилганди.
Изоҳ (0)