Ўзбекистонда масжидлар сони жами 2088 тага етди, дея хабар қилмоқда Дин ишлари бўйича қўмита матбуот хизмати.
Маълум қилинишича, Сурхондарё вилояти Адлия бошқармаси томонидан «Эшонқулжон бобо» жоме масжиди рўйхатдан ўтказилиб, унинг рўйхатдан ўтказилгани тўғрисидаги гувоҳнома диний ташкилотга топширилди.
Шу билан Сурхондарё вилоятидаги масжидлар сони 120 тага етди.
Бундан аввал Наманганнинг «Афсоналар водийси» боғидаги янги масжидда илк жума намози ўқилгани, Ургутда Самарқанд вилоятидаги энг катта масжид ҳамда Тошкентда «Сирож солиҳ» жоме масжиди очилгани ҳақида хабар берилганди.
Изоҳ (0)