Навоий вилояти Кармана туманидаги 2-сон мактаб директорига Президент совғаси топширилди, дея хабар қилмоқда Халқ таълими вазирлиги.
Қайд этилишича, 2021 йилнинг 8 апрель куни Навоий вилояти Кармана туманидаги 2-сон умумтаълим мактабига раҳбарлик қилаётган Турсуной Халилова «Бир миллион дастурчи» лойиҳасида мактаб ўқувчилари қайд этган юқори натижалари учун Президент совғаси — Spark автомобили билан тақдирланди.
Маълум қилинишича, ҳозирда Навоийда 35 мингдан ортиқ ўқувчи замонавий дастурлашни ўрганмоқда, 18 567 нафари «Бир миллион дастурчи» лойиҳа доирасида сертификатларни қўлга киритган.
Мактабнинг бир қатор информатика фани ўқитувчиларига «Халқ таълими аълочиси» кўкрак нишони, ноутбук ҳамда фахрий ёрлиқлар топширилди.
Таъкидланишича, 2020 йил якунлари бўйича «Бир миллион дастурчи» лойиҳаси доирасида энг фаол информатика ўқитувчилари Навоий ҳиссасига тўғри келган.
Бундан аввал Фарғонада барча ўқувчиси фан олимпиадасида ғолиб бўлган ўқитувчи «Халқ таълими фидойиси» унвони билан, уни танитган блогер эса ноутбук билан тақдирлангани ҳамда Ортиқхўжаев Тошкентнинг аълочи ўқувчиларига «ҳоким стипендияси»ни ваъда қилгани ҳақида хабар берилганди.
Изоҳ (0)