Футбол бўйича Про-Лиганинг 3-тур баҳслари 4—6 апрель кунлари бўлиб ўтди.
Турни «Оқтепа» ва «Янгиер» ўртасидаги баҳс очиб берди. Биринчи бўлим якунида ҳар жамоа вакиллари бир мартадан рақиб дарвозасини ишғол қилишга эришди. Иккинчи бўлимда ҳисоб ўзгармади ва жамоалар мавсумдаги дастлабки очколарини қўлга киритди.
«Хоразм» ўз уйида «Шўртан»ни қабул қилди ва йирик ҳисобдаги ғалабани қўлга киритди. Хоразмликлар сафида Рўзимбой Аҳмедов дубль қайд этган бўлса, Темур Бекчанов ва Жасур Отажонов бир мартадан рақиб дарвозасини ишғол қилди.
Шу куни «Динамо» ўзида «Арал» билан куч синашди. Муросасиз ўтган баҳсда «Динамо»нинг украиналик легионери Олег Марчук дубль қайд этди, шунингдек, Темур Усмонов ҳам меҳмонлар дарвозасига йўл топди. «Арал»нинг жавоб тўпларига Науриз Алимов ва Амир Абдурозиев муаллиф бўлди.
Сўнгги икки ўйин 6 апрель куни ўтказилди. «Бухоро» жамоаси «Олимпик» майдонида меҳмон бўлди ва ишончли ғалабани қайд этди.
«Нефтчи» ва «Истиқлол» ўртасидаги Фарғона дербисида эса майдон эгаларининг қўли баланд келди. Улуғбек Ҳошимов ва Собит Синдоров томонида киритилган тўплар «Нефтчи»га ғалаба олиб келди.
Шу тариқа 3-турдан кейин «Бухоро» ва «Динамо» ғалабали юришини давом эттирган ҳолда, пешқадамликда давом этмоқда. «Олимпик» ва «Арал» мавсумдаги дастлабки мағлубиятни қабул қилиб олган бўлса, «Истиқлол» ва «Шўртан» мағлубиятли серияни давом эттирди.
3-турдан кейин мусобақа жадвали билан танишинг:
Про-Лига
3-тур баҳслари
4 апрель, якшанба
«Оқтепа» — «Янгиер» 1:1
Голлар: 0:1 – 40 Жонибек Мирзақулов, 1:1 – 45+1 Гильерме да Сильва.5 апрель, душанба
«Хоразм» — «Шўртан» 4:0
Голлар: 1:0 – 12 Рўзимбой Аҳмедов, 2:0 – 21 Темур Бекчанов, 3:0 – 87, пенальти Рўзимбой Аҳмедов, 4:0 – 90+1 Жасур Отажонов.Четлатиш: Шаҳбоз Жўраев, 86 («Шўртан»).
«Динамо» — «Арал» 3:2
Голлар: 1:0 – 6 Олег Марчук, 1:1 – 10 Науриз Алимов, 2:1 – 33 Олег Марчук, 3:1 – 38 Темур Усмонов, 3:2 – 68 Амир Абдурозиев.6 апрель, сешанба
«Олимпик» — «Бухоро» 0:2
Голлар: 0:1 – 4, автогол Беҳзод Шамсиев, 0:2 – 90+2 Бобур Қосимов.«Нефтчи» — «Истиқлол» 2:0
Голлар: 1:0 – 8 Улуғбек Ҳошимов, 2:0 – 20 Собит Синдоров.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)