«Реал» Чемпионлар Лигаси чорак финал дастлабки баҳсида «Ливерпуль»ни мағлуб этди (3:1).
Шу тариқа мадридликлар кетма-кет тўртинчи марта «Ливерпуль»га қарши ўйинни ғалаба билан якунлади.
Аввалроқ жамоа Чемпионлар Лигаси 2017/18 йилги мавсуми финалида инглизларни 3:1 ҳисобида енгганди. Шунингдек, 2014 йилда ушбу мусобақа гуруҳ босқичида икки бор ғалаба қайд этилган — 3:0 ва 1:0.
Бунга қадар «Ливерпуль» Чемпионлар Лигаси 2008/09 йилги мавсум 1/8 финалида «Реал»ни икки бор мағлуб этганди (4:0, 1:0).
Қайд этиш жоиз, «Реал» Чемпионлар Лигаси плей-офф босқичидаги дастлабки ўйинни ютган 16 та ҳолатнинг 15 тасида кейинги босқичга йўл олган. Сўнгги бор Мадрид жамоаси 2018/19 йилги мавсумда «Аякс»ни биринчи учрашувда таслим этиб, кейинги ўйин натижасига кўра мусобақани тарк этганди.
«Ливерпуль» ва «Реал» ўртасидаги кейинги ўйин 14 апрель куни бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Spорт24’га обуна бўлинг!
Изоҳ (0)