Футбол бўйича Осиё Чемпионлар Лигаси саралаш ўйинида ОКМК 7 апрель, чоршанба куни «Ал-Ғарафа» майдонига сафар қилди.
Учрашувнинг асосий вақтида дарвозалар дахлсиз қолди. Қўшиб берилган бўлимларнинг сўнгги дақиқасида Миржамол Қосимовнинг бурчакдан тепган зарбаси дарвоза устунига тегди, қайтган тўпни эса Явон Жокич дарвозага жойлаб қўйди.
Мазкур ғалабадан кейин Миржалол Қосимов бошчилигидаги Олмалиқ клуби А гуруҳидан жой оладиган бўлди. Мазкур гуруҳдан «Ал-Ҳилол» (Саудия Арабистони), «Истиқлол» (Тожикистон) ва «Шабоб Ал-Аҳли» (БАА) клублари ўрин олган. Гуруҳ ўйинларини 15—30 апрель кунлари Саудия Арабистонининг Ар-Риёд шаҳрида ўтказилади.
ОКМКнинг ғалабаси туфайли Қаршининг «Насаф» клуби нуфуз жиҳатдан қитъада иккинчи ўринда турадиган ОФК Кубогида иштирок этади. «Ажадарлар» F гуруҳида «Хўжанд» (Тожикистон), «Олтин Аср» (Туркманистон) ва «Олой» (Қирғизистон) билан гуруҳда беллашади. Учрашувлар марказлашган ҳолда Душанбеда (Тожикистон) ўтказилади.
ОЧЛ саралаши
7 апрель, чоршанба
«Ал-Ғарафа» — ОКМК 0:1
Гол: 0:1 — 120 Жокич.«Ал-Ғарафа»: 21.Юсуф Ҳассан, 3.Тамим Ал Муҳаза, 7.Моаяд Ҳассан 7.Моаяд Ҳассан ( 11.Отман Ал Яҳри, 109), 8.Юсуф Мутфа, 10.Ку Жа Чол, 15.Эктор Эрерра, 17.Адлен Гедиура, 18.Амро Сураж, 24.Ҳомам Аҳмад, 70.Носсир Ал Аҳрак (9.Аҳмад Ал Жанҳи, 69), 94.Софьян Ҳанни.
ОКМК: 35.Валижон Раҳимов, 77.Дилшод Аҳмадалиев, 8.Бобур Йўлдошев, 7.Сардор Раҳмонов, 2.Акром Комилов, 23.Ёван Жокич, 17.Санжар Турсунов, 22.Санжар Шоаҳмедов (11.Мурод Тошматов, 90), 94.Элвин Forteс (28.Шоҳруҳ Гадоев, 46), 18.Александр Касян (9.Зафар Полвонов, 90), 10.Ҳусниддин Ғофуров (4.Миржамол Қосимов, 90+1).
Огоҳлантиришлар: Бобурбек Йўлдошев 74, Акром Комилов 77, Амро Сураж 90+3.
Изоҳ (0)