UzReport ва Futbol-TV телеканаллари бир қатор мусобақалар трансляцияси ҳуқуқини сотиб олганини эълон қилди.
Телеканал расмий сайтида маълум қилинишича, ЖЧ—2022 Осиё минтақаси саралаши, Осиё Кубоги—2023, Осиё Чемпионлар Лигаси, ОФК Кубоги, ёшлар ўртасидаги Осиё чемпионатлари ва ОФК минтақасидаги қатор бошқа мусобақалар трансляция ҳуқуқи қўлга киритилган.
Эътиборлиси, UzReport ОФК доирасидаги мусобақаларнинг кўп йиллик трансляция ҳуқуқини қўлга киритган. Яъни мавсумий мусобақалар 2024 йилга қадар сотиб олинган.
Маълумот учун, шу вақтга қадар ОФК доирасидаги мусобақалар асосан ЎзМТРКга қарашли «Spоrt» телеканали орқали эфирга узатилар эди.
Аввалроқ «Sport» телеканали Futbol-TV томонидан бир неча йилдан буён трансляция қилинаётган Европа Чемпионлар Лигаси ва Европа Лигаси мусобақалари 2021/22 йилги мавсуми трансляция ҳуқуқини қўлга киритганини эълон қилганди.
UzReport ва Futbol-TV телеканаллари томонидан трансляция ҳуқуқи харид қилинган мусобақалар:
- Осиё Кубоги—2023
- ЖЧ—2022 Осиё саралашининг сўнгги босқичи
- U-23 Осиё чемпионати (2022 ва 2024 йил)
- Аёллар ўртасидаги Осиё Кубоги—2022
- ОФК Бирдамлик Кубоги—2024
- ОФК Чемпионлар Лигаси 2021, 2022, 2023 ва 2024 йилги мавсум (гуруҳ босқичи, плей-офф босқичи ва финал)
- ОФК Кубоги 2021, 2022, 2023, 2024 (гуруҳ босқичи, плей-офф босқичи ва финал)
- U-20 Осиё чемпионати—2023 финали
- У-17 Осиё чемпионати—2023 финали
- Аёлар ўртасидаги U-20 Осиё чемпионати (2022 ва 2024) финаллари
- Аёлар ўртасидаги U-17 Осиё чемпионати (2022 ва 2024) финаллари
- Футзал бўйича Осиё чемпионати (2022 ва 2024) финаллари
- Футзал бўйича Клублар ўртасидаги Осиё чемпионати (2021, 2022, 2023, ва 2024 йил) финаллари.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Spорт24’га обуна бўлинг!
Изоҳ (0)