Европа Чемпионлар Лигаси чорак финали дастлабки баҳси доирасида 6 апрель куни кечган «Реал» — «Ливерпуль» учрашувидан (3:1) кейин ҳар икки жамоа мураббийлар иштирокида матбуот анжумани ўтказилди.
Мерсисайдликлар устози бу мағлубиятдан сўнг ЕЧЛ 2018/19 йилги мавсуми ярим финалида «Барселона»га қарши ўйинда 0:3 ҳисобидаги мағлубиятдан кейинги камбэкни ёдга олди. Ўшанда «қизиллар» ўз уйида каталонларни 4:0 ҳисобида енгганди.
«Барселона»га 0:3 ҳисобида ютқазган учрашувимизда жамоам яхши ўйин ўтказганди. Бироқ бу сафар ундай бўлмади. «Реал» яхшироқ ўйнади. Бироқ биз уларга муаммо туғдиришга қодирмиз.«Барселона»га қарши ўйиндаги камбэкнинг 80 фоизи мухлислар туфайли бўлганди, ҳозир вазият бошқача. Бироқ ваъда бераман, биз бор кучимизни ишга соламиз, қолганини кўрамиз.
Юрген Клопп, «Ливерпуль» бош мураббий
Шунингдек, мадридликлар устози Зинедин Зидан ҳам ўйин ҳақидаги фикрлари билан ўртоқлашди.
Ғалаба хурсанд қилади, бироқ умумий олганда ҳиссиётлар аралаш. Биз ажойиб ўйин ўтказдик, лекин иккинчи бўлим бошида қийинчиликка учрадик. Ҳар бир ўйинчимдан фахрланаман. Аммо олдинда яна битта ўйин бор.«Ливерпуль» ва «Реал» жамоалари ўртасидаги жавоб учрашуви 14 апрель куни бўлиб ўтади.Иккинчи бўлимда улар биринчи зарбадаёқ гол урди. Бу ёқимсиз, бироқ бу футбол. Винисиус гол урганидан хурсандман, бу унга керак эди. У яхши ҳаракат қиляпти, жамоага ёрдам беряпти ва бундай гол ургандан кейин қўшимча қувват йиғмоқда.
Ҳозир ғалабадан завқ оламиз. Олдимизда муҳим ўйин («Барселона»га қарши) кутиб турганини биламиз, аммо аввалига тикланиб олиш зарур.
Зинедин Зидан, «Реал» бош мураббийи
Эслатиб ўтамиз, «Реал» Ла Лига доирасида 10 апрель куни «Барселона»га қарши баҳс юритади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Spорт24’га обуна бўлинг!
Изоҳ (0)