Ролнинг катта-кичиги бўлмайди. Исталган эпизодик ёки иккинчи даражали қаҳрамон ҳам актёр ёки актрисанинг маҳорати билан фильмнинг муваффақиятли чиқишига ҳисса қўшиши мумкин.
Жим Сарбх — «Ниржа» (2016)
«Ниржа» ҳаётини хавфга қўйиб Пан Ам 73 рейси йўловчилари ҳаётини сақлаб қоладиган 22 яшар стюардесса ҳақидаги биографик фильм ҳисобланади. Бош қаҳрамон ролини ижро қилган Сонам Капур айнан мазкур фильмдан кейин машҳурликка эришган. Фимдаги Жим Сарбх гавдалантирган террорист қаҳрамони эса энг эсда қоларли ижролардан бири бўлган. Ташқи қиёфаси, ўзига бўлган ишончининг юқорилиги ва маҳорати билан у Сонам Капурдан ҳам ўзиб кетган.
Вики Каушал — «Санжу» (2018)
Санжай Даттнинг ҳаётига асосида суратга олинган биографик фильмида бош қаҳрамон ролини ижро қилиш учун Ранбир Капур алоҳида тайёргарлик кўрган, имижини ўзгартирган. Аммо фильм экран юзини кўрганидан кейин Вики Каушалгавдалантирган Камли исмли қаҳрамон кўпроқ эътибор жалб қилган. Мухлислар Ранбирдан кўра Викининг ижросини қизиқарлироқ деб билган. Уларнинг ҳар иккиси ҳам Filmfare мукофотини: Ранбир энг яхши актёр, Вики эса иккинчи даражали энг яхши актёр сифатида қўлга киритганига қарамай, кўпчилик Вики фильмдаги асосий қаҳрамонни муваффақият борасида ортда қолдирган, деб ҳисоблайди.
Саиф Али Хон — «Танҳажи» (2020)
Тарихий драма йўналишида суратга олинган мазкур фильмда Саиф Али Хон салбий қаҳрамон ролини қойиллатиб ижро қилган. У гавдалантирган Удабхан Сингх Ратор қаҳрамони шунчалик мукаммал чиққанидан Ажай Девган ижросидаги бош қаҳрамон унинг фонида қолиб кетган.
Аршад Варси — «Муннабой» (2003)
Муннабойнинг дўсти Сипак ролини актёр Аршад Варси ижро қилган. Ҳазилкаш ва ўзига хослиги билан мазкур қаҳрамон асосий қаҳрамондан кўпроқ эътибор жалб қилган.
Вивек Оберой — «Криш-3»
«Криш» фильмининг учинчи қисми тақдим этилмагунича ҳеч ким салбий қаҳрамон Каал ролини Вивек ижро қилиши ҳақида ўйлаб ҳам кўрмаган. У ижро маҳорати билан фильмнинг ўзига хос бўлишига ҳисса қўшган.
Изоҳ (0)