Ҳинд киносаноатида фаолият юритадиган машҳур шахслардан кимларда COVID-19 аниқлангани ҳақида маълумот бериб ўтамиз.
Алия Бҳатт
Болливуд юлдузи Алия Бҳаттнинг коронавирусга топширган тест натижаси ижобий чиққан. Бу ҳақда Instagram stories’ида маълум қилган актриса ўзини ўзи яккалагани ҳамда уйда карантинда бўлишини билдирган. У «Шифокорлар тавсияси ва барча хавфсизлик қоидаларига риоя қиляпман», — деб қўшимча қилган.
Акшай Кумар
Болливуд юлдузи Акшай Кумар ҳам бугун эрталаб (4 апрель куни) ўзида унда коронавирус аниқланганини эълон қилган. «Қоидаларга биноан ўзимни яккаладим. Уйда карантинда керакли тиббий ёрдамларни оляпман», — деган актёр у билан мулоқотда бўлган барчадан тест топширишни ва ўзини эҳтиёт қилишини сўраган.
Ранбир Капур
Ранбир Капурнинг коронавирус билан касаллангани ҳақида эса унинг онаси Неету Сингҳ Капур Instagram саҳифасида хабар берган.
Пареш Ревал
Болливуднинг ёши катта юлдузларидан Пареш Ревал эса COVID-19 билан зарарлангани ҳақида Twitter саҳифасида маълум қилган.
Ранганатҳан Мадҳаван
«Уч савдойи» фильмидаги Ражудан кейин Фарҳанда ҳам вирус аниқланди. Аввалроқ фильмда Ражу ролини ижро қилган Амир Хон коронавирус билан зарарлангани ҳақида маълум қилинганди. Кўп ўтмасдан фильмда унинг дўсти Фарҳан ролини гавдалантирган Ранганатҳан Мадҳаван коронавирусга топширган тест натижаси ижобий чиққанини эълон қилган.
Баччанлар оиласи
Баччанлар оиласи вакилларидан: актриса Айшвария Рай, унинг қизи Арадя, турмуш ўртоғи Абҳишек Баччан ва қайнотаси Амитабҳ Баччанда коронавирус аниқланган.
Говинда
Асл исми Говинд Арун Аҳужа бўлган актёр ҳам коронавирус билан касалланган. Бу ҳақда Бомбай Times’нинг Instagram саҳифасида хабар берилган.
Мавзуга доир: Фотожамланма: Коронавирус аниқланган таниқли шахслар
Изоҳ (0)