Фарғона вилоятининг Фарғона шаҳрида кўп қаватли уйларнинг бирида яшовчи фуқаронинг яшаш хонадони эшиги бехосдан қулфланиб қолиши оқибатида ичкарида ёлғиз қолган ёш бола қутқарилди. Бу ҳақда «Дарё»га вилоят Фавқулодда вазиятлар бошқармаси ахборот хизмати хабар берди.
Маълум бўлишича, 2021 йилнинг 5 апрель куни Фарғона шаҳар Саид Аҳмад кўчаси 7-уй 26-хонадонда яшовчи фуқаро С.Эшонқулова яшаш хонадонининг кириш эшиги қулфланиб қолиб, тўрт ёшли фарзанди ичкарида ёлғиз қолгани ҳақида 1050 қисқа рақами орқали мурожаат қилиб, ёрдам сўраган.
Мурожаат юзасидан айтилган манзилга етиб борган Фавқулодда вазиятлар бошқармаси Махсус вазифаларни бажарувчи минтақавий қутқарув отряди ходимлари махсус мосламалар ёрдамида хонадоннинг темир эшигини очиб, фуқарога амалий ёрдам кўрсатган. Уй ичида қолган тўрт ёшли бола соғ-саломат онасининг қўлига топширилган.
Мавзуга доир:
- Қарши шаҳрида эшик қулфланиб қолиши оқибатида уйда қолиб кетган икки нафар бола қутқарувчилар ёрдамида олиб чиқилди
- Нукусда тақиқланган жойда чўмилиб, сувда чўкаётган бола қутқарилди. Бола билан бирга чўмилган маст эркак оқиб кетди
- Тошкентда канализация учун қазилган 5 метрли чуқурга йиқилган фуқаро қутқарилди
Изоҳ (0)