Shu kunlarda koronavirusni yuqtirgan Bollivud yulduzlari (foto)

Hind kinosanoatida faoliyat yuritadigan mashhur shaxslardan kimlarda COVID-19 aniqlangani haqida ma’lumot berib o‘tamiz.

Aliya Bhatt

Bollivud yulduzi Aliya Bhattning koronavirusga topshirgan test natijasi ijobiy chiqqan. Bu haqda Instagram stories’ida ma’lum qilgan aktrisa o‘zini o‘zi yakkalagani hamda uyda karantinda bo‘lishini bildirgan. U “Shifokorlar tavsiyasi va barcha xavfsizlik qoidalariga rioya qilyapman”, — deb qo‘shimcha qilgan.

Akshay Kumar

Bollivud yulduzi Akshay Kumar ham bugun ertalab (4-aprel kuni) o‘zida unda koronavirus aniqlanganini e’lon qilgan. “Qoidalarga binoan o‘zimni yakkaladim. Uyda karantinda kerakli tibbiy yordamlarni olyapman”, — degan aktyor u bilan muloqotda bo‘lgan barchadan test topshirishni va o‘zini ehtiyot qilishini so‘ragan.

Ranbir Kapur

Ranbir Kapurning koronavirus bilan kasallangani haqida esa uning onasi Neetu Singh Kapur Instagram sahifasida xabar bergan.

Paresh Reval

Bollivudning yoshi katta yulduzlaridan Paresh Reval esa COVID-19 bilan zararlangani haqida Twitter sahifasida ma’lum qilgan.

Ranganathan Madhavan

“Uch savdoyi” filmidagi Rajudan keyin Farhanda ham virus aniqlandi. Avvalroq filmda Raju rolini ijro qilgan Amir Xon koronavirus bilan zararlangani haqida ma’lum qilingandi. Ko‘p o‘tmasdan filmda uning do‘sti Farhan rolini gavdalantirgan Ranganathan Madhavan koronavirusga topshirgan test natijasi ijobiy chiqqanini e’lon qilgan.

Bachchanlar oilasi

Bachchanlar oilasi vakillaridan: aktrisa Ayshvariya Ray, uning qizi Aradya, turmush o‘rtog‘i Abhishek Bachchan va qaynotasi Amitabh Bachchanda koronavirus aniqlangan.

Govinda

Asl ismi Govind Arun Ahuja bo‘lgan aktyor ham koronavirus bilan kasallangan. Bu haqda Bombay Times’ning Instagram sahifasida xabar berilgan.