Reuters koronavirus aniqlangan taniqli shaxslar haqida fotomaqola tayyorladi.

Gollivud aktrisasi Olga Kurilenko ham koronavirusdan tuzalgan. U 15-mart kuni kasallikning yengil alomatlari aniqlanganidan so‘ng uyida davolangan.

Foto: Reuters

Bollivud afsonasi Amitabh Bachchan, uning o‘g‘li Abhishek, kelini Ayshvariya Ray hamda nevarasi Aradhya Mumbaydagi kasalxonada koronavirusdan davolanmoqda.

Foto: Reuters

Britaniyalik aktyor Idris Elba 16-mart kuni koronavirusga topshirgan testi ijobiy chiqqani, biroq unda kasallikning hech qanday alomatlari kuzatilmaganini aytgan edi.

Foto: Reuters

Xonanda Pink va uning uch yoshli o‘g‘li aprel oyida koronavirusni boshdan kechirgan.

Foto: Reuters

Mart oyida Britaniya shahzodasi Charlzning koronavirusga chalingani haqida xabar berildi. Unda kasallikning yengil simptomlari kuzatilgan.

Foto: Reuters

Gollivud aktyori Tom Xenks va uning rafiqasi Rita Uilson ham mart oyida koronavirusni boshdan kechirgan edi.   

Foto: Reuters

Italiyalik opera xonandasi Andrea Bochelli mart oyida koronavirus bilan kurashayotgan damlarini “dahshat ichida yashash” deb ataydi.

Foto: Reuters

Kanada bosh vaziri Jastin Tryudoning rafiqasi Sofi Tryudo ham mart oyida koronavirus bilan og‘rigan edi. Unda kassallik xuddi gripp singari kechgan.

Foto: Reuters

“Taxtlar o‘yini” seriali yulduzi Kristofer Xivyu 16-mart kuni koronavirusni yuqtrigani haqida xabar berdi. U karantinni oilasi bilan Norvegiyada o‘tkazgan.  

Foto: Reuters

Braziliya prezidenti Jair Bolsanaruda 7-iyul kuni koronavirus aniqlanib, shifoxonaga yotqizilgan edi. U hozir o‘zini ancha yaxshi his etayotganini aytgan.

Foto: Reuters

Buyuk Britaniya bosh vaziri Boris Jonson aprel oyida koronavirusni boshdan kechirgan.

Foto: Reuters

Koronavirusga chalingan o‘zbekistonlik taniqli shaxslar

O‘zbekiston Sog‘liqni saqlash vazirligi (SSV) 18-iyul kuni Surxondaryo viloyati hokimi To‘ra Bobolov koronavirusga chalingani, u Toshkent shahrida kasallikdan davolanayotgani, ahvoli barqaror ekanini ma’lum qildi.

Foto: “Daryo”

Shuningdek 18-iyul kuni O‘zbekiston Sog‘liqni saqlash vazirligi (SSV) Qoraqalpog‘iston Respublikasi Jo‘qorg‘i Kengesi raisi Musa Yerniyazov koronavirusga chalingani, u Nukus shahridagi klinikada davolanayotgani haqida ham xabar berdi.

Foto: “Daryo”

Aktrisa Muqaddas Xoliqova, uning turmush o‘rtog‘i hamda ikki qizi koronavirusdan davolanmoqda.

Foto: Instagram / @zebinisobegim92

Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov 11-iyul kuni koronavirus infeksiyasi bilan kasallanganini ma’lum qildi.

Foto: Uzreport

Xonanda Kaniza koronavirusga test topshirganida, javobi salbiy chiqqani, shunday bo‘lsa ham o‘zini koronavirusga chalingan deb o‘ylayotganini ma’lum qildi.

Foto: Instagram / @kaniza_shahrizoda

“Benom” guruhi xonandasi Komil ham koronavirusni yuqtirib oldi. U “Daryo” muxbiri bilan suhbatda uy sharoitida davolanayotganini aytib o‘tdi.                                                                                                                             Foto: Instagram / @komil_benom

Taniqli rejissor Sarvar Karimov Twitter’dagi sahifasida o‘zi va oila a’zolari COVID-19’ga chalinganini ma’lum qildi. Sarvar Karimov otasining ham koronavirus infeksiyasidan vafot etganini bildirdi.

Foto: The Mag