2021 йилнинг 1 апрель куни Мартин исмли олтинранг ретривер «Мир 24» телеканали журналисти Надежда Сережинканинг ишини тўхтатиб қўйди, деб ёзади Meduza.
Бошловчи жонли эфир орқали Москвада апрель ойининг илиқ об-ҳавоси ҳақида гапираётган эди. Тўсатдан пайдо бўлган ит бир сакрашда унинг микрофонига ташланди ва ўлжасини олганча қочиб кетди. «Тўхта! Бу ерга кел! Ҳой, тўхта, тўхта!» – дея бақирган таъқибга шошилган Сережинка. Шундан сўнг журналист билан алоқа тўхтатилди.
Кейинроқ Сережинка эфирга қайтди, фақат у бир ўзи эмас, балки микрофон ўғриси билан эди. Ретривер журналист ёнидан жой олди ва камерага қараб, айёрона жилмайиб қўйди. «Айтганимдек, об-ҳаво чиндан ҳам жуда зўр, итлар билан сайр қилиш учун мос», − дейди Сережинка Мартинни силаб. Гарчи микрофон бироз зарар кўрган бўлса-да, суратга олиш гуруҳидан ҳеч ким жароҳат олмаган (микрофонда тиш изларини кўриш мумкин).
Афтидан, итлар «Мир 24» телеканали бошловчилари билан алоҳида муносабатда бўлади. Мартин – телеканал эфирини тўхтатишга ҳаракат қилган ягона ит эмас. Масалан, 2017 йилда студияга югуриб кириб келган ит жонли эфир жараёнида бошловчи ижодий гуруҳдан ёрдам сўрагунига қадар сакраган, акиллаган ва ҳаттоки стол устигача кўтарилган. Ушбу жараёнда бошловчи кучукларни яхши кўришини ҳам таъкидлаб ўтган.
Мавзуга доир:
- АҚШда бошпанасиз ит дўкондан бир неча бор пахмоқ яккашохни ўғирлашга уринди. Натижада унга ушбу ўйинчоқни совға қилишган ва янги хўжайин топишган
- Англияда Оскар лақабли ит беш йилда 9 килога озиб, пандемия сабаб яна семириб кетди
- АҚШда ҳеч ким боқиб олишни хоҳламаган ит янги эгасининг ҳаётини сақлаб қолди (видео)
- Америкада ит 5 миллион доллар меросга эга бўлди
Изоҳ (0)