Австралиянинг Жограф кўрфазида саккизоёқ геолог Ланс Карлсонга ҳужум қилди. Эркак ушбу ҳолат тасвирланган видеони Instagram’даги саҳифасига жойлаштирган.
Карлсон Австралиянинг жануби-ғарбий қирғоқларида оиласи билан ҳордиқ чиқараётган бўлган. Эркак кўрфаз қирғоғида сувдан чиққан жонзот чағалайни урганини пайқаб қолган ва буни скат деб ўйлаган. Қизи билан қирғоққа яқинлашган Ланс бу саккизоёқ эканлигини кўрган. Карлсон сув жонзоти пайпаслагичлари билан уни ура бошлаганини телефонига суратга олган.
«Саккизоёқ бизга ташланди, бу ҳақиқий шок эди», — дейди Карлсон.
Кейинроқ Карлсон чиғаноқлар коллекциясини ўрганиш учун яна сув томон йўл олган, бу вақт унга яна ҳужум уюштирилган, эркак қўлига кимдир хивич билан урганини сезган. Парланган кўзойнаги сабаб у ўзига ким ҳужум қилганини кўрмаган. Карлсон қирғоқда зарба оқибатларини кўздан кечирган — бу саккизоёқ пайпаслагичларининг изи бўлиб чиққан. Излар эркакнинг бўйни, қўли ва белининг юқори қисмида қолган.
https://www.instagram.com/p/CMlnlUGFMqr/
Қирғоққа чиққан Карлсон рафиқасидан жароҳатларига кола қуйишини сўраган. У қутқарувчи бўлиб ишлагани сабаб бу каби ҳолатларда ошхона сиркаси ёрдам беришини билган, бироқ коланинг кислоталиги 2,8 pH бўлгани сабаб у сирка ўрнини босади.
Карлсон саккизоёқ ҳужумидан сўнг танаси «бироз қизиганини» тан олган ва бу «ҳаворанг бутилкача»лар деб аталувчи медузалар (Physalia physalis) ҳужумининг олдида ҳеч нарса эмаслигини қўшимча қилган.
Instagram’да эълон қилинган видео остига Карлсон «Жограф кўрфазидаги энг баджаҳл саккизоёқ. Чағалайни қувганимдан сўнг у қизим билан мен шафқатсизликка лойиқмиз деб ҳисоблаган кўринади. Кейинроқ қисқичбақалар қабристони орасида унинг уйини топиб олдим» — дея изоҳ қолдирган.
Видео интернетда вирус каби тарқалганидан сўнг геолог одамлар саккизоёқлардан қўрқиб қолишидан хавотирга тушган. «Бу ажойиб жонзот қандайидир кучли ҳиссиётларга эга (худди биз каби!)», — дея қўшимча қилган Карлсон.
Изоҳ (0)