Ўзбекистонда коронавирусга чалингани расман тан олинганлар сони 83 623 нафарга етди. Соғлиқни сақлаш вазирлиги маълумотларига кўра, 3 апрель куни мамлакатнинг 11 та ҳудудида жами 193 та касалланиш ҳолати аниқланган.
Янги касалланиш ҳолатларининг:
- 4 нафари Қорақалпоғистон Республикасида;
- 1 нафари Андижон вилоятида;
- 1 нафари Бухоро вилоятида;
- 2 нафари Наманган вилоятида;
- 8 нафари Самарқанд вилоятида;
- 1 нафари Фарғона вилоятида;
- 2 нафари Хоразм вилоятида;
- 20 нафари Тошкент вилоятида;
- 154 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Маълум қилинишича, ўтган бир сутка давомида Қорақалпоғистонда икки киши, Бухоро вилоятида 6 киши, Жиззах вилоятида 3 киши, Қашқадарё вилоятида 7 киши, Самарқанд вилоятида 21 киши, Тошкент вилоятида 16 киши, Тошкент шаҳрида эса 125 киши тузалиб, мамлакатда касалликдан соғайганлар жами сони 81629 нафарга етди. Соғайиш кўрсаткичи 98 фоизни ташкил қилмоқда.
Шунингдек, бир нафар коронавирусга чалинган бемор вафот этиб, касалликдан вафот этганлар сони 631 нафарга eтди.
Айни пайтда тиббиёт муассасаларида даволанаётган 1363 нафар бемордан 209 нафари оғир, 94 нафари эса ўта оғир аҳволда эканлиги қайд этилган.
Изоҳ (0)