Футбол бўйича Италия А Сериясининг 29-турида «Милан» 3 апрель, шанба куни «Сампдория»ни қабул қилди.
Беллашувда томонлар муроса йўлини танлади. 57-дақиқада Фабио Куальярелла ҳисобни очиб, меҳмонларни ҳисобда олдинга олиб чиқди. Ўйиннинг асосий вақти тугашига 3 дақиқа қолганида эса Йенс Ҳеуге мувозанатни тиклади. Шу тариқа «Милан» ўз майдонида сўнгги дақиқаларда мағлубиятдан қутулиб қолди.
Мазкур учрашувда киритилган голларни бу ерда кўриш мумкин — видео.
29-турдан кейин Милан клуби 60 очко билан 2-поғонада бормоқда. «Сампдория» эса (36) 10-ўриндан жой олган.
А Серия
29-тур баҳси
3 апрель, шанба
«Милан» — «Сампдория» 1:1
Голлар: 0:1 – 57 Куальярелла, 1:1 – 87 Ҳеуге.«Милан»: Доннарумма, Тео, Томори, Кьер, Салемакерс (Калулу, 46), Беннасер (Тонали, 60), Кессиэ, Крунич (Ребич, 60), Чалханўғлу, Кастильехо (Ҳеуге, 74), Иброҳимович.
«Сампдория»: Аудеро, Тонелли, Берешински, Колли, Аужелло (Ёсида, 89), Дамсгор (Верре, 90), Адриен Сильва, Кандрева (Лерис, 90), Торсбю, Габбьядини (Аскилдсен, 62), Куальярелла (Кейта Бальде, 84).
Огоҳлантиришлар: Колли (32), Торсбю (39), Салемакерс (45), Адриен Сильва (45), Беннасер (50), Кандрева (73).
Четлатиш: Адриен Сильва (59).
Изоҳ (0)