Бельгия терма жамоаси собиқ футболчиси Жил де Билде «Реал» ҳужумкор ярим ҳимоячиси Эден Азарни танқид остига олди.
«Азар бутун фаолияти давомида иқтидорига ишонди, бироқ ҳеч қачон ишламади.
Сен дунёнинг энг катта клубига ўтдинг, унинг тарихидаги энг қиммат трансферга айландинг, сен Криштиану Роналдуни ўрнини босишинг керак, бироқ сенда ортиқча вазн бор. Бу — Эден Азар.
Азар жисмоний формаси устида ҳеч қачон ишламаган. Қора ишни қиладиган ўйинчилар жароҳатдан тезда тузалиши мумкин, чунки улар ўйин тақдирини ҳал қилмайди. Креатив футболчилар эса вазиятлар яратиш учун ўзини майдонда қулай ҳис қилиши керак.
Агар у формасини тиклай олса, у ҳолда Евро—2020 га олиб кетиш керак. Чунки унинг иқтидор ўлчами шунчаликки, 15 дақиқа майдонда ҳаракат қилиши ўйин натижасини ҳал қилиши мумкин», — дейди де Билде.
Азар 2019 йилнинг ёзида «Челси»дан «Реал» сафига ўтганди. Бельгиялик футболчи Мадриддаги фаолиятининг катта қисмини жароҳат билан ўтказиб юбормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)