ИИВ ЙҲХББ ахборот хизмати ижтимоий тармоқларда «ГАИнинг духини синдириш бўйича мастер-класс» сарлавҳаси остида тарқалган видеолавҳа юзасидан маълумот берди.
Маълум қилинишича, 31 март куни Тошкент вилояти ИИББ ЙҲХБ ЙПХ ходими А.Абдураҳимов 4Р6 Тошкент—Чимён автомобиль йўлининг 17-километрида ҳайдовчи, 1988 йилда туғилган А.С. бошқарувидаги DAF ТЕ 105 XF русумли юк автомобилини тўхтатган. Бунга юк машинаси светофорнинг тақиқловчи қизил чироғида ҳаракатлангани сабаб бўлган ва қоидабузарлик бўйича белгиланган тартибда баённома расмийлаштирган.
Ўзаро мулоқот вақтида ҳайдовчи баённома тузилганидан ғазабланиб, ердан қўлига қаттиқ жисм олиб, у билан уриш ниятида инспекторни қўрқитмоқчи бўлган.
Мазкур ҳолат атрофдаги фуқаролар томонидан тасвирга олинган ва ижтимоий тармоқларда тарқатилган.
Таъкидланишича, ҳолат юзасидан Тошкент вилояти ИИББ ЙҲХБ томонидан суриштирув ҳаракатлари олиб борилмоқда.
Аввалроқ Тошкентда қоидабузар автоблогерни чора кўрмай қўйиб юборган ЙПХ ходими ва унинг бошлиғига чора кўрилгани тўғрисида хабар берилганди.
Изоҳ (0)