Beeline Uzbekistan компаниясининг янги бош директори этиб тайинланган Анджей Малиновскийнинг вакили сифатида Veon компаниялари гуруҳи делегацияси Ўзбекистонга ташриф буюрди. Делегацияни Veon компаниялар гуруҳининг бош ижрочи директори, Unitel МЧЖ (Ўзбекистондаги Beeline SB) кузатув кенгаши раиси, жаноб Каан Терзиоглу бошқарди.
Анджей Малиновский ўз лавозимига тайинланганини шундай шарҳлади: «Мен бу гўзал мамлакатда яшаш ва ишлаш имкониятига эга бўлганимдан хурсандман. Аввало шуни айтмоқчиманки, профессионаллар жамоасига қўшилиш мен учун катта шарафдир. Ҳозирда мавжуд эҳтиёжлар асосида қайта кўриб чиқилиши ва ҳал қилиниши керак бўлган бир қатор долзарб вазифалар бор. Компаниянинг устувор йўналиши – бу абонентнинг ўзи, фойдаланувчи тажрибаси ва хизмат кўрсатиш даражасини яхшилаш бўлади».
Veon компаниялари гуруҳи делегациясининг мамлакатимизга бўлган ташрифи бой ва самарали бўлди.
Рақамли тизимларни ривожлантириш, ахборот-коммуникация технологиялари ютуқларини кенг жорий этиш бўйича масалалар Республика Ахборот технологиялари ва коммуникацияларини ривожлантириш вазирлигида бўлиб ўтган учрашувнинг диққат марказида бўлди. Учрашув давомида «Рақамли Ўзбекистон-2030» стратегиясининг ишлаб чиқилиши ҳам муҳокама қилинди. Телекоммуникацияларни ривожлантириш, шу жумладан, Ўзбекистонда халқаро интернет тармоғига киришни эркинлаштириш тўғрисида вазирликнинг янги қонун лойиҳаси ҳақида меҳмонларга маълумот берилди.
Соғлиқни сақлаш вазири Абдуҳаким Хожибоев билан суҳбат чоғида Veon компаниялари гуруҳи вазирликнинг электрон тиббиёт ва рақамлаштириш, қўшма ижтимоий лойиҳаларни яратишда иштирок этиши кўриб чиқилди. Ўзбекистон Республикаси Савдо-саноат палатаси вакиллари билан учрашувда меҳмонлар, уларнинг мамлакатда тадбиркорликни қўллаб-қувватлаш ва ривожлантиришга қўшган ҳиссаларини юқори баҳолади.
Veon компаниялари гуруҳи аъзолари ва Beeline Uzbekistan топ-менежерларининг етакчи журналистлар, блогерлар билан учрашуви давомида ҳам долзарб мавзулар, саволлар кўтарилди. Саволлардан бирига жавобан Каан Терзиоглу Beeline Uzbekistan компанияси 4G тармоғи ва янги лойиҳаларини ривожлантиришга сармояларни давом эттиришини таъкидлаб ўтди. Шунингдек, у мамлакатдаги телекоммуникация бозорини янада эркинлаштирилишига умид билдирди.
Каан Терзиоглу, Veon компаниялар гуруҳи маслаҳатчиси Борис Тадич ва Анджей Малиновский Жиззах вилоятига ҳам борди. Меҳмонлар Шароф Рашидов музейида бўлди. Уларга ушбу таниқли давлат арбоби ва ёзувчи ҳаёти, фаолияти ҳақида сўзлаб берилди.
Жиззах шаҳридаги 8-ихтисослаштирилган IT-мактабда делегация аъзолари самимийлик ва меҳмондўстлик билан кутиб олинди. Эслатиб ўтамиз, ушбу мактабни модернизация қилиш ва янги жиҳозлар билан таминлаш учун Beeline Uzbekistan 700 миллион сўмдан ортиқ инвестиция киритди.
Меҳмонлар ушбу мактаб боғида дарахтлар экди.
Уларни маданий дастурдан сўнг мактабда яратилган шароитлар билан таништиришди. «Ишончим комилки, ушбу IT-мактаб минтақанинг ёш авлодини тарбиялашга, уларнинг рақамли иқтисодиётдаги янги муаммоларини ҳал қилишга, тайёрлашга ҳисса қўшади», деб таъкидлади Каан Терзиоглу.
Кейинги манзил IT-паркнинг маҳаллий филиали бўлди. Делегация вакилларига компьютер саводхонлиги, дастурлаш, мобил робототехника, киберспорт турлари ва инглиз тилини ўрганиш мумкин бўлган IT-марказ намойиш этилди.
Яна бир муҳим учрашув — Жиззах вилояти ҳокими Эргаш Солиев билан танишув мулоқоти бўлди. Меҳмонларга минтақанинг сармоявий салоҳияти ҳақида видеолавҳа намойиш этилди, унинг имкониятлари ва хусусиятлари ҳақида сўзлаб берилди.
Шунингдек, делегация Жиззахда қурилаётган Президент мактабига ҳам ташриф буюрди.
Халқ таълими вазирлиги билан яқин ҳамкорлик қилиш ва электрон таълим ҳамда стартапларни ривожлантириш билан боғлиқ лойиҳаларни амалга ошириш ишларини кучайтириш зарурлиги Халқ таълими вазири ўринбосари Рустам Каримжонов билан суҳбатда муҳокама қилинди.
Veon компаниялар гуруҳи делегацияси Ўзбекистонга ташрифини Молия вазирлигидаги учрашув билан якунлади, унда база станцияларининг солиққа тортилиш жараёни муҳокама қилинди.
«Биз учун Ўзбекистонда ишлаш — катта шараф. Халқаро инвестор сифатида мамлакат иқтисодиётининг жадал ривожланиб бораётгани менда катта таассурот қолдирди. Ишончим комилки, республика раҳбарияти томонидан олиб борилаётган либераллаштириш чора-тадбирлари, шубҳасиз, халқаро инвесторларни янада илҳомлантиради. Биз бу ерда эканлигимиздан фахрланамиз. Ишонаман, бизнинг келажагимиз Ўзбекистоннинг келажаги каби порлоқ!», — дея хулоса қилди Veon компаниялар гуруҳининг бош ижрочи директори, Unitel МЧЖ (Ўзбекистонда Beeline SB) кузатув кенгаши раиси Каан Терзиоглу.
Маълумот ўрнида
«Unitel» МЧЖ 2006 йил 12 сентябрдан бошлаб Beeline Uzbekistan савдо белгиси остида хизмат кўрсатиб келмоқда. Beeline Uzbekistan бош қароргоҳи Амстердамда (Голландия) жойлашган Veon халқаро телекоммуникация холдинги таркибига киради.
Veon – бу 9 та мамлакатда 213 миллиондан ортиқ абонентга эга глобал телекоммуникация ва интернет хизматларини етказиб берувчи компания. Унинг акциялари Nasdaq ва Euronext Амстердам фонд бозорларида рўйхатга олинган.
Beeline Uzbekistan’да 1,6 мингдан ортиқ ходим фаолият юритади. 2006 йилдан бошлаб, Ўзбекистон бозорига кирганидан бери Veon мамлакат телекоммуникация саноатига 1,2 миллиард доллардан ортиқ маблағ киритди.
Beeline савдо белгиси Ўзбекистондаги фаолияти давомида 1,8 миллиард доллардан ортиқ миқдорда солиқ тўлаган.
Сайт: https://beeline.uz
Facebook: https://www.facebook.com/beeline.uz/
Instagram: https://www.instagram.com/beeline_uzbekistan/?hl=ru
Telegram: https://t.me/uzbeelineuzb
Twitter: https://twitter.com/beeline uz
Реклама ҳуқуқи асосида.
Изоҳ (0)