UFC енгил вазн тоифаси вакиллари Тони Фергюсон (25-5) ва Бенеил Дариуш (20-4-1) ўртасидаги жанг санасини расман тасдиқлади.
Беллашув 15 май куни (Тошкент вақти билан 16 майда) UFC 262 мусобақаси доирасида бўлиб ўтади. UFC оқшомига АҚШнинг Лас-Вегас шаҳри мезбонлик қилади.
Фергюсон кетма-кет иккита мағлубият қайд этган бўлса, Дариуш олти жангдан буён фақат ғалаба қозонмоқда.
Ушбу кечанинг марказий жанги енгил вазн тоифасининг вакант қолган камари учун Майкл Чендлер ва Чарльз Оливейра ўртасида кечади.
Фергюсон сўнгги бор 2020 декабрида Оливейрага қарши жанг олиб борган ва нокаут билан ютқазиб қўйганди. Келиб чиқиши эронлик бўлган Бенеил эса 2021 йили февралида Карлос Диего Феррейрани таслим этган.
Фергюсон енгил дивизион рейтингида 5-ўринда қайд этилган, Дариуш эса 9-поғонадан жой олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)