Қуйидаги юлдузлар турмуш ўртоғидан бир неча ёшга катта. Аммо бу уларнинг бахтли бўлишига тўсқинлик қила олмади.
Мадонна (61) ва Ахламалик Уильямс (26)
Рўйхатнинг илк ўринларидан Мадоннанинг жой олиши, шубҳасиз. Жуфтликнинг ўртасидаги фарқ 35 ёшни ташкил этади. Мадонна Уильямсдан аввал ҳам ёшгина Тимор Стеффанс билан яқин муносабатда бўлган.
Алла Пугачёва (71) ва Максим Галкин (44)
Максим Галкинга Алланинг бешинчи турмуш ўртоғи бўлиш насиб этди. Хонанда бундан аввал ўзидан 18 ёш кичик бўлган Филипп Киркоров билан турмуш қурган. Шов-шувли тўйдан бир неча йил ўтиб, Пугачёванинг она бўлгани барчани ҳайратда қолдирди. Албатта, у фарзандларини суррогат она ёрдамида дунёга келтирган.
Шакира (44) ва Жерар Пике (34)
Шакира турмуш ўртоғидан 10 ёш катта бўлишига қарамай, бу жуфтликнинг бахтли ҳаётига таъсир ўтказмайди. Хонанда ва футболчи 10 йил аввал Жаҳон чемпионатида танишган. Ҳозирда эса уларнинг икки нафар ўғли бор.
Деборра-Ли Фернесс (65) ва Хью Жекман (52)
Актёр Хью Жекман ва унинг рафиқаси 25 йилдан буён бирга. Буни муҳаббатга ёш тўсқинлик қила олмасликнинг ёрқин мисоли дейиш мумкин. Голливуднинг машҳур юлдузи рафиқасидан 13 ёш кичик. Улар турмуш қуришга қарор қилганида актёр 28, рафиқаси эса 41 ёшда эди.
Лера Кудрявцева (49) ва Игорь Макаров (32)
Телебошловчи ва хоккейчини орадаги 16 ёш ажратиб туради. Аммо жуфтлик умуман бунга аҳамият бермайди. Улар ҳозирда қиз фарзандини тарбия қилмоқда.
Яна Рудковская (46) ва Евгений Плюшенко (38)
Евгений ҳам бошқа эркаклар сингари ёш қизлар билан учрашишини тан олган. Аммо барчаси доно рафиқасини учратгунча эди. Жуфтлик 2008 йилда Eurovision—2008’га тайёргарлик кўраётган вақтда танишган. Орадан бир йил ўтиб, Евгений ва Яна оила қурди. 2013 йилда уларнинг оиласида Саша туғилди.
Нонна Гришаева (49) ва Александр Нестеров (37)
Хонанданинг турмуш ўртоғи мусиқий карьерасини ривожлантиришда яқиндан ёрдам беради. Ёш орасидаги фарқи ҳақидаги саволга жавобан Гришаева шундай дейди: «У билан ўзимни мутлақо ҳимоялангандек ҳис қиламан! Саша менинг отамга жуда ўхшайди».
Изоҳ (0)