Европа ва Америкада кекса инсонларни коронавирусга қарши эмлаш давом этмоқда. Вакцинация қилинган машҳурлар ижтимоий тармоқларда эмлангандан кейинги хурсандчиликлари билан бўлишди.
Стив Мартин
Машҳур комик актёр 17 январда вакцина билан эмланди: «Вакцинани олганим яхши, албатта. Аммо ёқимсиз томони, 75 ёшга тўлганим сабабли эмланганимдир», — дейди актёр.
Ҳаррисон Форд
Январь ойида актёрни Калифорниянинг Торранс шаҳрида вакцинация туфайли пайдо бўлган икки соатлик навбатда кўришган. Форднинг ўзи бу ҳақда ҳеч нарса демаган бўлса-да, яқинлари унинг эмланганини тасдиқлади.
Арнольд Шварценеггер
«Бугун яхши кун бўлди, — дейди Арни. — Мен ҳеч қачон навбатда турганимдан бунчалик хурсанд бўлмаганман. Агар яшашни хоҳласангиз, вакцина қилдиринг». Бу гапларни ёзаётган актёр чиндан ҳам Дожер стадионида навбат кутаётган бўлган.
Билл Гейтс
Машҳур тадбиркор 22 январь куни биринчи эмлашни амалга оширди ва расмга қуйидагича изоҳ қодирди: «65 ёшга тўлишнинг афзалликларидан бири».
Елизавета II
7 январь куни Виндзор қасрида 94 ёшли қиролича билан бирга унинг 99 ёшли турмуш ўртоғи ҳам коронавирусга қарши эмланди.
Иэн Маккеллен
Актёр биринчи вакцинани 17 декабрда олди ва ўзини яхши ҳис қилганини таъкидлади.
Шон Пенн
Актёр коронавирусга қарши эмланиш билан бирга бутун Америка бўйлаб вакцинация қиладиган ташкилотнинг ҳаммуассиси бўлди.
Жуди Денч
«Оскар» мукофоти соҳибаси вакцинанинг биринчи дозасини 14 январь куни қабул қилди.
Бундан ташқари, давлат раҳбарларидан Россия президенти Владимир Путин, Украина президенти Владимир Зеленский коронавирусга қарши эмлангани, Ҳиндистон бош вазири Нарендра Моди коронавирусга қарши мамлакатда ишлаб чиқарилган COVAXIN вакцинасининг биринчи дозасини олгани, шунингдек, дунёнинг энг бадавлат кишиларидан бири, Berkshire Hathaway бош директори Уоррен Баффетт Pfizer/BioNTech компаниясининг вакцинаси билан коронавирусга қарши эмлангани ҳақида хабар берилганди.
Февраль ойида Туркия президенти Ражаб Тоййиб Эрдўғон унга коронавирусга қарши вакцинанинг иккинчи дозаси юборилганини маълум қилган, у вакцинанинг биринчи дозасини 14 январда қабул қилиб олганди.
Бундан аввал Шаҳзода Чарльз ва унинг рафиқаси, БМТ бош котиби, Аргентина президенти ҳамда Жанубий Корея президенти ва унинг рафиқаси коронавирус вакцинаси билан эмланган.
Изоҳ (0)