Бугун,

  • USD 11095.31
  • RUB 173.84
  • EUR 10772.44

«Тошшаҳартрансхизмат» компанияси пойтахт учун 50 та электробус сотиб олиш бўйича лойиҳа тайёрлайди. Лойиҳага кўра, 2021 йил охирига қадар 20 та автобус сотиб олиш режалаштирилган. Бу ҳақда компаниянинг лойиҳалари, ташқи алоқалар ва инвестициялар бўлими бошлиғи Шаҳбоз Ғофуровга асосланиб «Podrobno.uz» хабар қилди.

Фото: «Тошшаҳартрансхизмат» матбуот хизмати

Фото: «Тошшаҳартрансхизмат» матбуот хизмати

«Ҳа, режага кўра, компания автоулов паркларини янгилаш мақсад қилинган. Биз аллақачон Тошкент шаҳри учун 20 дона электр автобусларни давлат томонидан сотиб олиш учун техник-иқтисодий ҳисоб-китобни тайёрлаб қўйдик.

Тендер савдолари апрель ойида ўтказилиши режалаштирилган ва уларда иштирок этишни истаганлар жуда кўп. Менимча, йил охиригача автобусларни олиб келишни бошлаймиз. Бундан ташқари, келажакда яна 30 та катта қувватли электр автобус сотиб олиш режалаштирилган, таклиф тайёрланди ва кўриб чиқиш учун тақдим этилди», — дейди Шаҳбоз Ғофуров.

Қайд этилишича, Bus Rapid Transit (BRT) лойиҳаси бўйича 23 дона 17—18 метрли, сўнгра 6 дона 24 метрли тезюрар автобус сотиб олинади.

Эслатиб ўтамиз, Тошкент шаҳар ҳокими Жаҳонгир Ортиқхўжаев ва «Белкоммунмаш» раҳбари Владимир Корол ўртасида 2018 йил сентябрда бўлиб ўтган музокаралар якунига кўра, Беларусь электробусларидан бирини Тошкентда синаб кўриш бўйича келишувга эришилган эди. 450 минг долларга харид қилинган биринчи электробус Тошкентда 2019 йилнинг 13 сентябридан ҳаракатланишни бошлаганди. 2020 йилнинг март ойидан бошлаб эса Тошкентнинг 52-автобус йўналиши (Бешёғоч—Юнусобод) бўйлаб Хитойнинг Yutong электробуси синов тариқасида қатнай бошлаганди. 2020 йилнинг 1 декабрь кунидан бошлаб эса 51-йўналишда (Юнусобод 6-мавзе—Бешёғоч майдони) 12 метрлик Zhongtong электр автобуси синов тариқасида ҳаракатлана бошлади.

Бундан ташқари, Тошкентга уч йил ичида 300 та янги электробус олиб келиниши мумкинлиги ҳақида хабар берилганди.

Изоҳ
Асосий янгиликлар
Дунё
Украина ташқи ишлар вазири Путиннинг “Зеленскийни ўлдирмаслик” бўйича берган ваъдасига муносабат билдирди
Спорт
А Серия. Элдор Шомуродовнинг дебют ўйинида “Специя” ўзида “Наполи”га йирик ҳисобда ютқазди
Дунё
Marsдан ҳам совуқроқ: АҚШда ҳаво ҳарорати тарихий рекордни янгилади (видео)