26 март куни Кавказ ҳудудларидан илиқ ва нам ҳаво массалари кириб келиши сабабли Ўзбекистоннинг аксарият ҳудудларида ёмғир ёғади. Баъзи жойларда момақалдироқ бўлиши ва шамол 15-20 метр/секундгача кучайиши мумкин, деб ёзмоқда «Ўзгидромет».
Қорақалпоғистонда, Хоразм, Бухоро, Навоий, Сурхондарё вилоятларида ёғингарчиликсиз об-ҳаво бўлиши кутилмоқда. Ҳаво ҳарорати 15-20 даража илиқ атрофида бўлади.
27 март куни республиканинг баъзи жойларида ёмғир ёғади, момақалдироқ бўлади, шамол 15-20 метр/секундгача кучаяди. Ҳаво ҳарорати кечаси 8-13 даража илиқ, кундузи 17-22 даража илиқ бўлади.
28 март куни Ўзбекистоннинг шимолий ҳудудларига, 29 март куни эса республиканинг барча ҳудудларига Кавказ ҳудудларидан нам ва совуқ ҳаво массалари кириб келиши кутилмоқда. Республика бўйича ёмғир ёғади, момақалдироқ кузатилади. Шамол тезлиги 15-20 метр/секундгача кучаяди.
Қорақалпоғистонда, Хоразм вилоятида 28—29 март кунлари, Бухоро, Навоий вилоятларида 29 март куни ёғингарчилик кутилмайди.
Ҳаво ҳарорати 6-11 даража илиққача пасаяди.
Эслатиб ўтамиз, «Ўзгидромет» ҳафта охирига бориб ёмғир ёғишини маълум қилганди.
Изоҳ (0)