Хорватия терма жамоаси ярим ҳимоячиси Лука Модрич ЖЧ—2022 саралаши доирасида кечган Словенияга қарши ўйинда (0:1) майдонга тушди.
«Реал»нинг 35 ёшли футболчиси миллий терма жамоа сафида 134-ўйинда майдонга тушди. Шу тариқа Модрич Хорватия терма жамоасида энг кўп ўйин ўтказган Дарио Срнанинг рекордини такрорлади.
Улардан кейин Стипе Плетикоса (114 ўйин), Иван Ракитич (106), Йосип Шимунич (105), Ивица Олич (104) ва Ведран Чорлука (103) каби ўйинчилар бормоқда.
Модрич 2006 йилдан бери Хорватия терма жамоасида тўп суриб келади, унинг ҳисобида терма жамоа сафида 16 та гол мавжуд.
Хорватлар кейинги ўйинни 27 март куни Кипрга қарши ўтказади.
Модрич «Реал» сафида 2020/21 йилги мавсум Ла Лигада 27 ўйин ўтказиб, 3 та гол ва 3 та голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)