Европа қитъаси футбол бўйича 2022 йилги Жаҳон Чемпионати саралаш ўйинларининг 1-турида Туркия 24 март, чоршанба куни ўз майдонида Нидерландияни қабул қилди.
Истанбулда кечган баҳсда умумий ҳисобда 6 та гол урилди. Биринчи бўлимда Бурак Йилмаз 15 ва 34-дақиқалардаги голлари эвазига дублни расмийлаштирган ҳолда мезбонларни ҳисобда олдинга олиб чиқди.
Иккинчи 45 дақиқаликнинг аввалида Хоқон Чалхонўғлу ўз номига гол ёздириб қўйиб, орадаги фарқни йириклаштирди. 75 ва 77-дақиқаларга келиб, Нидерландия Люк де Йонг ва Деви Классеннинг голлари эвазига ҳисобни қисқартирганди. Аммо учрашувнинг асосий вақти тугашига 9 дақиқа қолганида Йилмаз ўйиндаги учинчи голини уриб, баҳсга якуний нуқтани қўйди.
Шу тариқа Нидерландия терма жамоасининг 5 та ўйиндан иборат бўлган мағлубиятсиз сериясига нуқта қўйилди. Жамоа 2020 йилнинг октябрь ойидан бери ютқазмаётганди — 3 ғалаба, 2 дуранг.
ЖЧ—2022 саралаши
Европа минтақаси1-тур баҳси
Туркия – Нидерландия 4:2
Голлар: 1:0 – 15 Йилмаз, 2:0 – 34, пенальти Йилмаз, 3:0 – 46 Чалхонўғлу, 3:1 – 75 Классен, 3:2 – 77 де Йонг, 4:2 – 81 Йилмаз.Туркия: Чакир, Кабак, Челик, Сеюнжю, Мераш, Ёкушлу, Чалхонўғлу (Унал, 78), Язижи (Эркин, 64), Туфан (Анталяли, 64), Караман (Айхан, 79), Йилмаз (Тюрюч, 90).
Нидерландия: Крул, де Лигт, Блинд (Гравенберх, 82), Тете (Думфрис, 69), Вейндал (ван Анхолт, 82), Вейналдум, де Йонг, де Рон (де Йонг, 62), Бергейс, Мален (Классен, 69), Депай.
Огоҳлантиришлар: Караман (32), Туфан (36), Вейналдум (50), Йилмаз (52), Мераш (72), Кабак (90).
Изоҳ (0)