«Реал» раҳбарияти «Ювентус» ҳужумчиси Криштиану Роналдуни қайтаришга ошиқмайди, дея хабар қилмоқда COPE.
Мадридликлар португалиялик футболчини яхши кўради ва уни ҳурмат қилади, бироқ уни қайтариш вариантини кўриб чиқмаяпти.
«Реал» келажакда фойда келтирадиган ёш юлдузларни сотиб олиш истагида. Аввалроқ мадридликлар Килиан Мбаппе (ПСЖ) ва Эрлинг Ҳоланд («Боруссия Д») каби футболчиларга қизиқиш билдираётгани хабар қилинганди.
Marca хабарига кўра, 36 ёшли футболчи «Ювентус» лойиҳасидан норози ва «Реал»дан таклиф кутмоқда. Агар Мадрид клуби таклиф билан чиқадиган бўлса, Криштиану дарҳол уни қабул қилади.Роналду А Серия жорий мавсумида 24 ўйин ўтказиб, 23 гол ва 3 та голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)