Бразилия клублари мамлакат футбол федерацияси томонидан илгари сурилган мураббийларни истеъфога чиқаришга чеклов қўйиш борасидаги таклифни қабул қилди. Бу ҳақида ESPN хабар қилмоқда.
Эндиликда ҳар бир клуб бир мавсум давомида бош мураббийни фақат бир марта истеъфога чиқариши мумкин бўлади. Ҳар мураббийнинг ўзи мавсум давомида бир марта истеъфога чиқиши мумкин бўлади.
Агар мураббий мавсум давомида икки клубдан истеъфога чиққан бўлса, у ҳолда мавсум якунига қадар иккала жамоада ҳам ишлай олмайди.
Мураббий кетадиган бўлса, клубга янги мутахассис тайинлашга рухсат берилади. Бироқ клуб иккинчи мураббийни ҳам бўшатадиган бўлса, фақат жамоада камида 6 ой ишлаган ходимни мураббийликка тайинлай олади.
Таклифни чемпионатнинг 11 та клуб қўллаб-қувватлаган, 9 таси эса қарши овоз берган.
Маълумот учун, Бразилия А Серияси 2020 йилги мавсумида фақат уч жамоада мураббий алмашмаган. Қолган барча клубларда (баъзиларида 8 мартагача) камида битта истеъфо кузатилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)