«Барселона» ҳужумчиси Ансу Фатининг жароҳатдан тикланиш жараёни чўзилмоқда.
18 ёшли футболчининг шикастланган тизза мениски тўлиқ битиб кетмаяпти. Бу жарроҳлик амалиётининг қайта ўтказилишига олиб келиши мумкин, дея хабар қилмоқда Cаталуня Радио.
Фати ушбу жароҳат сабаб мавсумнинг қолган қисмини ўтказиб юбориши мумкин. Операция қилиш бўйича қарор бир неча кун ичида қайта текширувлардан кейин чиқарилади.
Аввалроқ Фати машғулотлар вақтида юклама берилганда тиззасида оғриқ сезаётгани айтилганди.
Футболчи ноябрь ойида жароҳат олиб сафдан чиққан ва шу вақтга қадар тикланиш жараёнини ўтказаётганди.
Испаниялик футболчи Ла Лига 2020/21 йилги мавсумида 7 ўйин ўтказиб, тўртта гол уришга эришди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)